الليل يا صحابنا والمعرفه دله وبراد = شاهي مشهشه وبن وهيل وسط الشاذليه
الليل ياكبتن العتبان سلم الليل وجهاد= وهل البيوت الطوارف لا عليك ولا عليه

الليل والنا مع الشّعار والأبداع ميعاد=والزند يقدح شرار ولا لك الاَّ نار حيّه!!
هل تقدر أنَّك بمسرى ليل تاصل حد بغداد؟=أخاف تسري من الطائف وتصبح فالحويه!!

ماعاد ماعاد يا كبتن ترى للعين مرقاد=يجعل دارك حيا يا صاحبي ماهي سنيه
النار شبت وهبت ماش عنها مدرق ومشراد= ونته بعرق الكداده تلتوي عشرين ليه

كسرت رجل الذلول اللي عليها خرج وشداد=وأخاف بكره يابادي تكسر رقبة المطيَّه!!
والطالب اليا غلط قال: (العفو والعذر ياستاد)=وأنت اعتذر ..قبل لا ارسَّبك ياراع الخطيَّه!!

المشاركة الأصلية كتبت بواسطة كبتن عتيبه (المشاركة 798137) الله الله كسرت رجل الذلول اللي عليها خرج وشداد=وأخاف بكره يابادي تكسر رقبة المطيَّه!! والطالب اليا غلط قال: (العفو والعذر ياستاد)=وأنت اعتذر ..قبل لا ارسَّبك ياراع الخطيَّه!!

الله لو تدري العراف عنك وكل نقاد= ماكان جريت هاذ الليل لحن السامريه
ياستاد ياستاد ما ميزت بين السين والصاد= اثرك ماتعرف تعد ا لنا الحروف الابجديه

ماقام من دون عبله غير عنتر ولد شداد=وقيس الملوح وقف من دون ليلى العامريه!!
أخذ النصيحه على شان الوفا والملح والزاد=خل الهوى والمحبّه والليال السرمديه!!