الهيـــــــــــــلا *** منتدى قبيلة عتيبة - خالد بن مدعث الدوسري وابداع يفوق الخيال


	الكل يعلم انا هذا المنتدى لجميع المبدعين من جميع القبائل والدول فانا احببت ان اقدم لكم قصيده لشاعري المحبوب والجزل والرائع خالد بن مدعث الخرفاني الدوسري اتمنى ان تحوز على رضاكم البـرق لعيـون المولـع منـاديـب =والبيـد لقـدام الخـلاوي ركـايـب وارواحنـا لهمـوم بقعـا معازيـب =ومعـزب الارواح قبـر ونصـايـب سبحان من يخفي عن العالم الغيـب =وخلا الوعد من نازع الروح غايـب كلً يسوق الرجل ويـروح ويجيـب =احدً يجيـك بسلـم واحـدً نهايـب واحدً يجيب الفود والعـز والطيـب =واحدً يذلـه كـل مـا كـان جايـب من لا ستر وجهه عن الذل والعيـب =ما عاد يلقى لـذل وجهـه طبايـب ومن لا حمى وجهه قبل طلعت الشيب =محدن يعوظه وجه لا صـار شايـب ولا صار ذكرك فوق روس المراقيب =خلك على دربك ترى الدرب صايـب تصير بعيون النشامـا كمـا الذيـب =وفعيون عدوانك عطيـب الظرايـب موت الفتى با المرهفات المحاديـب =اخير من حيً مـع النـاس خايـب موتً تباكـا لـه عيـون الاجانيـب =ولا عيشتً تدعي عليهـا القرايـب ولي نفوسً مـا تـروم المواجيـب =ولـي يدينـن مـا تسـد النوايـب عذر الردي ما كل من يجهد مصيـب =عـود الحماطـة كاسرتـه الهبايـب ما يخلف الهقوه طـوال الاشانيـب =صحيح من قـال المراجـل وهايـب غير النبـي محـدً بليـا عذاريـب =وكلً على الثانـي سيولـه جذايـب ليه؟ الحسد والغل والشـك والريـب =ليـه؟ القطيعـه وانـدلاع الحرايـب يولـد الاحقـاد شـذب العراقـيـب =والغـل سـمً فــــــا المعاليـق ذايـب شرارتً مـن ملحقيـن المشاهيـب =من ناشته خلـة ضلوعـه حطايـب يومون با الامواس مثل القصاصيـب =ذنبً يوقـف منـه قطـر السحايـب ياعل من يفرح بشيـل المشاعيـب =ويصير في فرقـا الرفاقـه سبايـب تقطع عراويه من الرزق والصيـب =ويموت ما تنظـر عيونـه حبايـب وتصف النفوس ويركـدً المشاريـب =لابه ذنب عقـرب ولابـه نشايـب هذا بعـض مـا علمتنـا التجاريـب =اللـي مـن الايـام جتنـي جلايـب لا كامل الا وجه مـن يعلـم الغيـب =ولا رابح الا اللي من الذنـب تايـب