يالله ياسامع دعاة المصلين =ياوامرن خلقه على حج بيته
ادعيك يارب الملا والسلاطيـن=ادعيك ولابه واحدن قد دعيته
ارحم ابو منصور ياشارع الدين=واجعل في جناتك سكنه ومبيته
جاني خبره الشين بين الصلاتين=مكتوب فالساحة خبره وقريتـه
سيس بناه الهم وشابت به العين =والقلب تله ذا الخبر ماحميته
مرحوم يارجلن تدك المياديـن=خصيمك بقو المعانـي عميتـه
تجيب قافن تقطفه من بساتيـن=قافك على جزل المعاني بنيتـه
والله لو ألف عشانـك دواويـن=حقك يابو منصور انا ماوفيتـه
يارب صبرنا على فقـد غاليـن=تقدر تصبر من يطيع ان بليته
والموت دربن كلنا فيه ماشيـن=وهذا قضى المولى وانا مافتريته
وختامها صلو على احمد ملايين=محارب المشرك بروحي فديتـه