يا مرحبا بالشاعر اللي مقسمه من ورث أبوه=الشعر و علوم الرجال اللي تنومس كلها
من يستدلّ بجرّة الفرسان و الله ما يتوه=إليا تهقوى له هقاوي كيف ما ياصلّها ؟؟؟

دام البقا بالعزوه اللي كل ميقاف احتموه = يشهد لهم تاريخهم يوم السيوف وسلها
أحد ٍ ورث وأحد ٍ ياعلي أهله فنوا ماورثوه = وأحد ماميز فالسوالف دقها من جلها

ياللي تودّون العلوم العلم هذا وصّلوه=الله يعزّ الشجره اللي تنسدح في ظلها
الثابته من لا عطاه الله ربعه ما عطوه=ياللي عليك فروض فاتت قم توضّ و صلّها

العلم بين ومتعين وانت علّم من نسوه = وكم عقدة ٍ تعقد ولايصعب علينا حلها
ياربعنا اللي تحلمون الحلم بكره فسروه = محد ٍ بلاقي له ديار ٍ خاليه يحتلها

إليا تصاعبت الطريق اللي جدودك صعّبوه=هوّن عن المشوار و الطرقه تعال و خلّها
قلتوا يبا يطلع نجم جديد و انتم راقبوه=إليا متى نرقب طلوعه قلّ لربعك قلّها