الشعر عيا يطاوعنـي و حزنـه شديـد=الله يحسن عزانـا و أحسـن الله عـزاه
فاللي على الشعر و الشعار يحسب فقيـد=و سكن قلوب الرجال أهل المروه غـلاه
فيصل و فيصل على الساحات ما هو جديد=شاعر مخضرم من الماضي سمعنا صداه
من فكر واسع قوي ينحت بيوت القصيـد=وقته و جهده لتصخيـر المعانـي عطـاه
يشهد له اللي قريب من العرب و البعيـد=الأرض ميدان شعـره و المعانـي سمـاه
بحرٍ من الشعر كم واحـد منـه مستفيـد=يساعد المبتـدي و يعلمـه عـن خطـاه
قيـم شعـر فالمنابـر و الدليـل الأكيـد=بمسابقـة شاعـر المعنـى و كـلٍ راءه
غاب الرياحي عن الدنيا و خلف رصيـد=في كل قلبٍ عرف شخصيتـه مـا نسـاه
ما نملك إلا الدعاء و الا الحزن ما يفيـد=عساه في جنـة الفـردوس بأمـر الإلـه
هذي مواسـاه تعلـن بإسـم الآد الجعيـد=للشعر كلـه و ربعـه كلهـم و اصدقـاه