أنا من ( عتيبه ) طويلين الأشبار
 

ناصر جب القرطاس ثم أره الأحبـار
لأخــوك يانـاصر تـرا القلب غــاوي
لامــادح شيوخ ٍ ولاطوال الأعمـــار
والنـعم فيهم ميـر قلبــي شقاوي
لي صاحب ٍ لاطروه ضاعن الأبصار
شفني على طاريه جيت متساوي
من قال وشلونك أجــاوبه بأمطــار
من حد ساجر مادري يـم الصداوي
مــاني بـحشــاش ٍ ولاني بسكــار
مــير البلا أحبـــه وعشقـــه بلاوي
يســــــج بالي والمشاكيل حضــار
تقــــول كنــي وســط بر ٍ خــلاوي
على الذي يعيد لــي الجــرح تكرار
يجـــرح وجرحه مالقوا له مــــداوي
يجــرح ويحرق ميسمه صالي النار
ويركي على كبدي شديد المكـاوي
يبيني أجي له على كيف ما اختار
مايـــــــدري اني نسل حر ٍ نــداوي
أنا من ( عـتيبــه ) طويلين الأشبار
وللــي يبا تفصيل قل له عطــــاوي
ربعـــي اليا من جالها عج وغبــــار
الـــورع منــا حــد سيف ٍ رهــــاوي
أحــرار لكن زود عن كل الأحـــــرار
العـزوه اللي فوق كل العـــــزاوي
وختامـها صلوا عدد وبل الأمطـــــار
على النبي اللي ومر بالتســــاوي

صح لسانك

قصيده معبره


ننتظر المزيد

شكرا على المشاركه تحياتي لك

أشكركم على مروركم
وتقبلوا خالص تحياتي

صح لسانك يابدر