يا مرحبا بهذيل أهل اليمن و الشام=من شاعرٍ طيبه من طيب جدّانه
فوّاز وش عنده في تالي الايّام=ان كان عنده علم يقول بلسانه

دام البقا ياذيب والطيب لاهله دام = قصر المعزه كيف انغر عنوانه !!
يبن فلاح اليوم يامكثر الاعلام = خل القضيه حول العود واخوانه !!

خلّك معي صاحي ترى الوعد قدّام=بعض الحطب يعمس راعيه دخّانه
من يبذل جهوده تراه ما ينلام=واللي يجاز الناس الله سبحانه

ياهل المحاني لو شديتو الدمام = سوق الخميس يجوز تلغون دكانه !!
ماهي صواكة راس لو كثرة الارقام = اما على الذرعان ولا بلا خانه !!

أهل المحاني عزّ لملّة الاسلام=ما يجهلون شروط الدين و أركانه
ان ما حمد ربّه شاعر هذيل و نام= يبا يحصّلها من بين حجّانه