امس العصر عديت روس المراقيب=== والحقت انا نفسى حسوف وملامه
عاتبتها يا نفس بين بى الشيب===وخلفك ممات وحشر يوم القيامه
ابى خيولك للعباده مهاذيب===وابيك فى درب الشرف والكرامه
ملازم الطاعه يهذبك تهذيب=== وفعل المعاصى لك يجيب الساامه
ولا وسوس الشيطان بالذنب والعيب=== تكفين لاطيعين درب الندامه
شومى وعزى واتقى عالم الغيب=== واعصى عدوك واتركيه بندامه
وابى لك بجزل العطايا مخاليب=== تكفين لا تلعب عليك الرخامه
صونى حقوق الضيف قدر وتراحيب=== وجارك لا توذينه يمال السلامه
الشح يثنى العزم دون المواجيب=== ويثنى عزوم الى يبون الزعامه
ويانفس طبع الكبر مابه تطا بيب=== لا يعتريك وتفقدين الشهامه
وعطفك على المسكين اجرومكاسيب=== والا اليتيم الى حياته غمامه
والظن فى بعض الامور المغا ييب=== اثم عليك ويشغلك باهتمامه
وختامها يانفس اغلى المطاليب=== طاعة ولى الكون والاستقامه

المشاركة الأصلية كتبت بواسطة ترركي (المشاركة 802058) وختامها يانفس اغلـى المطاليـب ==طاعة ولى الكـون والاستقامـه يعطيك العافية ياسلطان قصيدة رائعة استمتعت فيها وختامها رائع مااقول الا صح الله لسانك يالذيب احترامي :)