يقـطـع الله (جـاحـد المعُروف) نكـّار الجـمايل = أشهد إن من يجحد المعروف ( ملعون رقبه ) !!
من جحد فعل الرجال (أهل الوفاء وأهل الفعايل) = الله ( إنه لا يـبارك به ) .. ويـقـطع مذهـبه !!
(وقبــّـح الله وجه) رجــــل ٍ ما تـهيــّـأ للثقـايل = واحـــــد ٍ ما يرتكي للحمل .. ويرخـي منكبه !!
عادة الطيّب .. ليا من ردت الدعوة صمايــل = إرتكى للكـــايده .. والقــرم ياصـل مطلبه !!
يوم ولد اللاش .. ماله مع هل ( النخوة) عمـايل = مايسد اللازمه .. يوم المزاحم ما ارهبه !!
لا يطول ولا يصول.. ولا وراه الأ الفشـــايل = هــَبْ ياوجه الردي .. لا نعنبو من عقبه !!
الفتى .. لا صار في دنياه ما ســوّى ( الهوايل )= أشهد إنه مـات ذكره حي .. ولا أحد ٍ يحسبه !!
والمراجل .. ماتجي بالكيف ولاهي بالسهايل = المراجل دربها كـــايد .. ولا يا ما اصعبه !!
مالها غير الرجال .. اللي يفكون الدخـــايل = مزبن اللي حايفه ضيم الزمان ومرعبه !!
والردي ماهو كفو .. لو كان من هاك السلايل = يقطع الله طاري ٍ جابه .. ويقطع مذهبه !!

الله الله صح لسانك فيما قلت يبدو ان لها مناسبه لانّي احس انّك متنرفز يوم سوّيت الابيات هههههههههههههه

المشاركة الأصلية كتبت بواسطة ابوفارس المقاطي (المشاركة 795115) صح لسانك وبارك الله فيك