يا ليتها قبل أمس ما عرّضت لي = بعد صلاة العصر في داخل السوق
الجادل اللي تنتل القلب نتلي = و لياه في يدها بدون ايّ معلوق
الموت يوم عيونها سلهمت لي = ناعس هدبها دوبها تنهضه فوق
جمالها كنّه يقول التفت لي=شوف الحلا و الزين و الفنّ و الذوق
وقفت و أرسلت النظر و ارسلت لي = النظره اللي بذرها يزرع الشوق
و الكلمه اللي في ضميري طرت لي = ما والله من الزين و انا ولد روق
فرصة عمر لكن ما استكملت لي =عنها القدر بعّدني و ساقني سوق
يوم انّ الاجوا بالمحبّه صفت لي=نطّر علينا الله من الخلق مخلوق
إلاّ انّها قبل تروح أوغضت لي =برموش عكشٍ تودع الجاش محروق
يا ليـــــــــت دنيايه على الكيف جت لي= ما عاد فيها كل مطروود ملحوق

المشاركة الأصلية كتبت بواسطة النشمي (المشاركة 795120) ابك ابك ابك انت على قيد الحياه بغينا نعزي العضيان فيك واثرك تغازل في الاسواق يالمجرم هههههههه صح لسانك مليون ابداع وغير مستغرب منك