يامناصيـب العـرب يكفـي مذلـة=ويكفي استنكار من فـوق المنابـر
التخـاذل والخـزي والعـار كلـه=فيكم اصبح للمـلاء بيـن وظاهـر
كل تصريحاتكـم صـارت مملـه=والعدو مستهتـر وينهى ويامـر
والقـرار الـي تقـرونـه يحـلـه=داس هيبتكم وكـل انسـان خابـر
ليت فيكم مـن دمـاء شافيز قلـه=كان ماصار العـدو فينـا يكابـر
وش بعد ماصار فـي غـزة يدلـه=كارثـة ضخمـة تسجـل بالدفاتـر
سابقـات الصـوت حملتهـا تهلـه=فوق رؤوس اطفالنا تعمل مجـازر
والضحية ماوجـد شخـص يشلـه=والعرب مابيـن سامـر ومتحـاور
والبيـوت الامنـة فـي كـل حلـه=فوق رؤوس اصحابها صارت مقابر
والمعـاور والكـرامـة مستحـلـه=ومن بني صهيون نجس كل طاهـر
المساجـد مـن قبلـهـم مستغـلـه=بالصواريخ امطروها شـر ماطـر
والمشافـي اعلنـت مليـون علـه=والجنايز جيفـت فـي كـل عايـر
النساء صرخاتهن فـي كـل فلـه=تفجع وتحزن بعض مسلـم وكافـر
كيف يحسن من بلاء مذهب وملـه=ويصبح افضل من قريب لك مجاور
يالله انه من خـذل بأمـرك تشلـه=ويرجع بكيده وهو مفلـس وصاغـر
اردعــه يالله بأحـقـاده وغـلـه=وللبشر اكشف مخطط كـل فاجـر
ومن يحدد للغضب موعـد يزلـه=لو غضب حتيـش مادمـه بفايـر
غزة العـزة تـرى اكبـر مظلـه=للجهـاد وللعزيـمـة والمفـاخـر
والرجـولـة والبطـولـة مستقـلـه=في نفوس المؤمنين وكـل صابـر
ماتزعزهـا حــوارات المجـلـه=ولاتشتـت عـزم الآت تحـاصـر
اصبروا والصبر يصبـح مردفلـه=الفرج والنصـر بـأذن الله صايـر
الكـم التقديـر مضمونـه واجلـه=يأهل غـزة عزمتـموا عـزم باهـر