يانمر أبن شباب مايطري القاف=الا وانا بين الهموم الصعيبه
اداري الايام ماشفت الانصاف=من ينتصفلي من حياتن عجيبه
حالي تردى والبلا القلب مهياف=خطير لوعات السنين تغديبه
ماغير اهوجس بين معنى ومحراف=واجر صوتي بالحون الغريبه
وارقى واسج الرجل في كل مشراف=وألد عيني فالجبال الرقيبه
من حالتي يانمر دنياي تنعاف=الحال مزري والمواقف غصيبه
شربت كاس الهم والغربله حااف=وعانيت من سقم الجروح العطيبه
واطعمت مر الوقت مرات واضعاف=وشديت ضهري بالحمول التعيبه
اشيل حمل(ن) لو يشيلونه اضعاف=يمدا عليهم فالليالي نصيبه
لكن بقعاء كلها جور واجحاف=وحلم الليالي حادرن مع شعيبه
ماعاد باقي فالزمن طيب ينشاف=والرجم عيا ينصف الوقت ذيبه

المشاركة الأصلية كتبت بواسطة عبدالله الجـــذع (المشاركة 793517) ماعاد باقي فالزمن طيـب ينشـاف والرجم عيا ينصـف الوقـت ذيبـه ابراهيم صح لسانك قصيده جميله وكما ذكرت تعبر عن حالها الف شكر لك وننتظر جديدك محبك .,

المشاركة الأصلية كتبت بواسطة نايف بن ملحق الثعلي (المشاركة 795262) صح لسانك وبيض الله وجهك قصيده جزله تسلم يابراهيم

المشاركة الأصلية كتبت بواسطة علي فلاح العضياني (المشاركة 795515) اشيل حمل(ن) لو يشيلونه اضعـاف يمـدا عليهـم فالليـالـي نصيـبـه استوقفني هذا البيت لله درّك اشيل حمل(ن) لو يشيلونه اضعـاف يمـدا عليهـم فالليـالـي نصيـبـه اشيل حمل(ن) لو يشيلونه اضعـاف يمـدا عليهـم فالليـالـي نصيـبـه اشيل حمل(ن) لو يشيلونه اضعـاف يمـدا عليهـم فالليـالـي نصيـبـه صح لسانك و بيّض الله وجهك يا ابراهيم الزراقي قصيده جزله من شاعر جزل