يوم الشطيطي حضر للسوق وده يسوم = باعوه بـعض العرب يا ليت يسوا ريال
لو الشطيطي وقف يـا ناس يرجع يرُوم = ما دام عظمه طري وشلون يرقى جبال

معروف قسم الشطيطي بين كل القسوم = يا قسمنا مرحبابك بعد جالك مجال
اتقولها وانت لا معطى ولا انت محروم = شغلتك بين العرب يا روح ولا تعال

قسمتك بين العرب ياكود ناسٍ رخوم = منته خشير السِبع في صبح ولا ليال
حنا سكنا الجبل ونعيش فوق الرجوم = ياللي غرفت البحر ماهز غرفك رجال

ياقسمنا ما انت رخمه ياعساك محشوم = لاتقنط من الزمن تراه ميل وعدال
ياللي سكنت الجبل حوّل وربك رحوم = نويت احدك يالين اقلعك يم الشمال

النمر مثلي شبع والفار مثلك يصوم = مقسمك بين احنكي واقول رزقٍ حلال
الصقر فوق الجبل تلقاه دايم يحوم = والصقر لامن نزل صاد الفريسه ونال

يا قسمنا بالرضى ولا بفرك الخشوم = ماني بمعتقك لو انك تحب الخيال
الضلع مسكن قرود الارض حسب العموم = انزل ولدّ النظر لاهنت يم السهال