تجدد ياقصف وزود اوجاع فوق اوجاع=ولا احدن براد الطايرات ومدافعها
طبيعي لون غزه تساوى بحد القاع=وحماس ان رمت كلبن من القوم ما اشنعها
الا من يرد الكافر الغاشم الطماع=عقب ما اقترف ذنب الاوادم ومزعها
نشوف الجثث نطلي قسمها الهجوم ارباع=وغزه طفت عقب الاناره شوارعها
جميع الدول تشجب ماشفناه بالاجماع=شرارت دمار ولا جهلنا مولعها
تر ا حقنا ياما وياما وياما ضاع=ياكم نفس لقيت من يد النذل مصرعها
ولا فيه رجلن من هذا الوضع مايرتاع=يكوده خصيمن للعقيده وبايعها
تضايق اصدور الناس لو الصدور اوساع=مراره لنا ستين عام انتجرعها
نبا حل سلمي مار ظنيت ماله داع=نفد صبرنا والمقبله ويش يتبعها
سكوت العرب ذلن ايطيشك يالخداع=تبا تزرط الارض الشريفه وتبلعها
تحول على غز ه قنابلك بالا شعاع=وطيارتن ترجف وهاذيك تشلعها
تسوي ماتبغى يا اولمرت بستمتاع=تعجب بسكان القطاع او تقطعها
يحسبن ماسوى جنوده فخر وابداع=دمامين خلق الله على القار نقعها
صحيح انها ذبحه قويه بلا فراع=تصيح الضعوف ولابه انسان يسمعها
يعانون برد ولاش ما والبطون جياع=بلاوي عسى ربي يفرق تجمعها
تطيح العماير فوق اهلها وهم هجاع=نيامن ولا دريو ولحدن توقعها
عسى دولة اسرائيل واللي لها تباع=يجيها غضب ربي عن الارض يقلعا
وهاذي قصيده طابع حروفها الطباع=بكى يوم انا امليه من شان يطبعها

المشاركة الأصلية كتبت بواسطة مرزوق حمدان العتيبي (المشاركة 791310) .. . مقبول سجل اعجابي بشعرك ومشاعرك.. صح لسانكــ والله ينصر الاخوان في غزه ويثبت اقدامهم ويرينا في ابناء القرده اليوم الأسود .. ...

المشاركة الأصلية كتبت بواسطة طويل الذراع (المشاركة 792450) صح السانك يامقبول والله ينصر المسلمين تحياتي

المشاركة الأصلية كتبت بواسطة بدر الكريزي (المشاركة 792453) صح لسانك يا مقبول .. و كان الله في عون اخواننا في غزة ..

المشاركة الأصلية كتبت بواسطة سلطان المفرجى (المشاركة 792473) صح لسانك يا اخ مقبول اخوك سلطان المفرجى