متى على الله ينتهي مطبق الصمت=وراع المنام يقوم يترك سباته
ويشوف ما شفنا على البث من كمت=و(غزه) تناد المعتصم في مماته
القدس يسأل كيف يا مسلم أسلمت=وقلبك حجر ما فاق من ملهياته
يا ابن آدم اللي تسمع الصوت ما دمت=حي وتشوف الموت ينشر رفاته
وراك ما تفزع وتجزع إلى قمت=ويكفي من المؤمن دعاه بصلاته
عقب الوضو لا من لوجهه تيممت=أدع وترى الله ما يخيب دعاته
ولا ضاقت وسـاع الفيافـي وكتمـت=نـاج الولـي باسمـه وتحفظ لآياتـه
واللي قدرته من حصيلك وقدمت=للمال هو والنفس تقبل زكاته
وبالدم ما دامك تبرع وعزمت=تنقذ جريحٍ قد تدانت وفاته
تُجزى على إحسانك مثل ما تفهمت=بالحسنه اللي بالعشر من جزاته
لا تنتظر من ساسة الغرب لا نمت=أفضل حلول تجيك من توصياته
ولا تلحق ظروف الزمن بالغ الشمت=هالحال حنا صانعيه ودهاته
والله ثم والله إلى مني أقسمت=أصدق وأقول الذل ننسج عباته
ولا هي غريبه يا (عرب) لا تشرذمت=تطمع بك الأنذال ضعف وشماته

المشاركة الأصلية كتبت بواسطة عبدالله الجـــذع (المشاركة 791155) صح لسانك يابطل مدد قصيده رائعه وسال الله ان ينصر اخواننا في غزه والله لايحرمك اجرهاا محبك .,

المشاركة الأصلية كتبت بواسطة عبدالله بن طلال (المشاركة 791176) برافووووووو وصح لسانك يامحمد نبض صارخ ومشاعر اصيله نرجوا من الله ان يعز الاسلام والمسلمين لك اجمل تحياتي

المشاركة الأصلية كتبت بواسطة مرزوق حمدان العتيبي (المشاركة 791314) .. لله درك ولافض فوكـ