لاكبرت بعين نفسك فالمواقف = اعرف انك صرت قمه في الرجوله

للقاف حرف وللمواقف رياااجيل = وللخيل خياله وللموت باااعه
وللراس كيف وللمشارب فناجيل = وللهرج ذوق وللسماجه جماااعه
انكانها تصنيع حكي وتماثيل = إلكم من المقسوم لعب و لكااعه
ناس ٍ تشيل الهرج وتحط وتشيل = ماهمها ياكود نشر الاشاااعه
عاشوا على الكذبه من القال والقيل = مثل الجزيره شغلها بالاذااعه
تضخيم قول ولعب كذبه وتظليل = وتصديق ناس ٍ ماتعرف السناعه
اللي تحلل كيفها صدق تحليل = يمكن من التحليل تلقى طماعه
ماودي ادخلها على جو تفصيل = نفسي عزيزه عن حلال المجاعه
سر ياقلم وأكتب جزيل التماثيل = بعطيك من وقتي ترى ربع ساعه
حوّل من القمه كما السيل ياسيل = وأقرش قشاااش الارض ونشوف قاعه
المسأله طالت وصارت اقاويل = وكل ٍ على الصفحاات شمّر ذرااعه
اللي كتب واللي على الكيف ويزيل = واللي شهد واللي رضى باستماعه
إخبول مدري لعبة اطفاال ياجيل = مدري بلاادة ناااس مدري بشااعه
ودّك ترحلهم عن الشعر ترحيل = قدام بيت الشعر يعلن ضيااعه
انا ولد عاصي وربعي هل الحيل = إعتيبه الهيلا هلن لشجاعه
انكانها بالشعر والله ماميل = سفينتي ترسي بليااا شرااعه
وانكانها تصنيع حكي وتماثيل = إلكم من المقسوم لعب و لكااعه