تنفس الصبح واينع وابتسم نوره=وهام الامل في شعاع الفخر والعزّه
عامٍ جديد وبشاير خير منشورة=وفورة مشاعر لها نبض ولها فزّة
وإذا صباح الاماني طارت طيوره=جات المآسي تسابق مالها حزّة
شفت الالم منتشر بالصوت والصوره=وهموم كبر الجبال السود مرتزّة
لسان حال الالم عبّر عن شعوره=وامسى رهين الاسى والياس في غزّة
ليه القرانيس تحيا العمر مأسورة؟=وليه الاماني تعيش سنين مبتزّة؟
أجساد متمزّقة واطراف مبتورة=من شافها يحترق كنّه على جزّه
واماني مبعثرة وآمآل مقهورة=والحلم مسجون خلف الباب والرزّة
ياأمّة العُرب جرح وفار تنوره=ألم يخالط نخاع العظم ويحزّه
ورم تعدّى مداه وزاد عن طوره=متى يد ومبضع الجراح تجتزّه
يالله من نقمةٍ جت (عاد) مذكورة=تختصّ( ليفي )و(نتن ياهو) تكزّه
تمسي تلابيب دم ونار ممطورة=وتصبح سماهم لهب والارض مهتزّه

المشاركة الأصلية كتبت بواسطة عبدالله الجـــذع (المشاركة 789801) وإذا صباح الاماني طـارت طيـوره ..جات المآسي تسابـق مالهـا حـزّة واقع الامه العربيه المرير في اكثر من بلد يالله من نقمةٍ جت (عـاد) مذكـورة.....تختصّ( ليفي )و(نتن ياهـو) تكـزّه تمسي تلابيـب دم ونـار ممطـورة......وتصبح سماهم لهب والارض مهتزّه اللهم امييييييييييييين هلال شاعر بحق وحقيقه الله يكتب لك الاجر يالغالي والله ينصر اخواننا المستضعفين محبك .,

المشاركة الأصلية كتبت بواسطة فواز علي سريع الروقي (المشاركة 789805) صح لسااااااااانك ياهلال وشامخه كعاتك تقبل تحياتي