سلام الله على اهل المنتدى والشاعر الدندون=ليامنا وقفنا فالمواقف يحتم الهيه
يابن سرحان اظنك في زمانك ياولد مفتون=تدور للحساني والعرب تجزيك بالسيه

هلا يامرحبا واهل الوفا بالوافيه يجزون = على سلم العرب والهافيه تجزا برديه
ولكن كل عاصي يالعضياني تراه ايهون = وغشمان القلوب ايحسبون السيف جنبيه

عسى الله يبقي اهل المعرفه والكايدات اتهون=وحنا كلبونا صف واحد يبيض النيه
ليا صار الغشيم من الربع قله عليك الهون=لاتمشي في طريقه يالثبيتي مشية الحيه

بيوت العز مبنيه على روس الجبال احصون = ومن جاها بشر ايروح في وجهه اماريه
انا من لابة تسوى من امثاله ميه مليون = اثبيت اللي على مر الليالي نارهم حيه

الا ياصاحبي عن ماحصل كل العرب يدرون=وانا ماجيت افتش فالعلوم المشبهانيه
يقولون العرب هامان مايضحك على فرعون=واظن الجايده ياصاحبي ماهي كما النيه

بيوت الشعر للعراف مثل الجادل المزيون = يصونونه عن الدرب المشين وهرجة العيه
وتال والوقت ماندري عن الصاحي من المجنون = يحسبون الشعر مثل البلوت ولعبته زيه