ولد عمي في غزة من ضمن المصابين ...
 

السلام عليكم ورحمة الله وبركاته

والله ماودي أزعجكم ياعتيبة لكن هو شعور المسلم مع أخيه

كلمت أولاد عمي من عائلة الدقي ( محمود الدقي وأخوانه ) من شوي

في اتصال مدته ماتجاوزت نصف دقيقة

لأن الإتصالات الآن شبه موقفينها

وحاولت لكن أزريت أمسكم واحدن فيهم

وكان عندهم اصابه لأحد أبنائهم

ولا عرفت وين ولا كيف ولا مين غيره ولا كيف البنات

الله يعين

والله ماكتبته ألا أبي دعوة لهم منكم ياعتيبة

لأطفالهم ونسائهم وشيوخهم

عسى الله يرحمهم ويلطف بهم

والله ياشباب ماني من حماس ولا فتح

أنا إن تسمحونلي عتيبي لأني ما أقدر أكون غير كذا

فرقونا وشبه ضاعت القضية منهم

هذاك علماني ولا هو بسائل في المسلمين والإسلام

وهذا زين لكن للأسف فهم خاطىء للدين أوصلته لسياسة غلط

والله ما أدري وش أقول

الدعاء ياعتيبة تكفون يا أهل العوجا

ونصيحة أخيرة من الفلسطيني اللي جالس يكتبلكم وهو بالأردن

احمدوا الله إن عندكم ذا القيادة الرشيدة .. احمدوه ألف مرة

الله لا يذيقكم من اللي شايفينه أولاد عمي هناك

اللهم احفظ المملكة وقادتها وعلمائها وشيوخها وشعبها ونسائهم

واطفالهم وشبابهم .. اللهم وأدم عليهم نعمك .. اللهم وجنبهم الفتن

اللهم وأدم عليهم الأمن والأمان في ظل قيادتهم يا أرحم الراحمين

والله يا عتيبة هذا اللي تعلمته من أهل نجد وشيوخها

ولا أقدر أوخر عنه

روحي فداكم يا أهل السعودية ويا عتيبة خاصة

والآن غصتني العبرة ماعدت أقدر أكتب شي

بروح أصلي وأدعي للمسلمين في فلسطين والعراق وغيرهم ..

الله يعينهم في ذا البرد

وسامحونا ترى والله ما كتبته إلا من المحبة لكم وللمسلمين

راعي الديرة

نسأل الله لهم السلامه هم وجميع اخوانا في غزه وما تشوفون شر
وان تكون هذه اخر الاحزان

وحسبي الله ونعم الوكيل

بارك الله فيك يافاهم بن العتيبي

اللهم آمين

الآن مسك معي الإتصال

الحمد لله هم بخير

وما توفي غير اثنين من نسايبهم أخ نسيبهم وولد عمه

لا أعلم باحوالهم شيء

نسأل الله أن يرحمهم وموتى المسلمين وأن يتقبلهم من الشهداء

.................................................. .................................................

أخوي سطام العفار

بارك الله فيك لشعورك الطيب تجاه إخوانك المسلمين

أخوي ممدوح الروقي

بارك الله فيك وجعلها في موازين حسناتك

الحمد لله اصابة ولد عمي بسيطة وهو الآن عاد لمنزلهم في دير البلح

ووالله أبكاني يقولي على عجل : ادعيلي والله ما بعرف أشوفكوا بعدها

ولا لأ .. قلته الله يصبرك ويستر عليك وعلى أهلك ..

حسبي الله فيمن كان السبب من فتح ولا من حماس

اللهم كن للضعفاء والمساكين ومن لاحيلة له

بارك الله فيكم ياعتيبه على شعوركم الطيب