بديت باسم الله قبـل بـدع الامثـال=وقدام يطـري للهجـوس ادرجـه
ومن عقب هاذي صار للشعر مدخال=مدخال والهاجوس راقـن مزاجـه
نص البيوت اللي على الطيب تنقال=للطيب في الطيب سـواة انبلاجـه
والطير الثلاث بـلا شـك وجـدال=في ذمتي ماقـول قـول السماجـه
وياللي تبون العـود الازق وفنجـال=ومعزب للضيف يضحك حجاجـه
ومشـرع بابـه ولا فيـه مقـفـال==وقولة هلا للضيف غاية علاجـه
ان اشهـد انـه للمناعيـر مدهـال=مدهال راع الصيت يوضي اسراجه
راعي هلا له عند الاجـواد منـزال=شيخ يميز مدخلـه مـن خراجـه
قاعد ولـد قعـدان للحمـل شيـال=ربي عطاه الطيب والطيب تاجـه
من الكرم يمنـاه ماحسـب المـال=فيه الكـرم والديـن زاد اندماجـه
هداج تيماء اللـي يقولـون لا زال=لازال ياربي مـن الوقـت ناجـه
ومنصاء لمن حده زمانه على الجال=ون كبرت القاله زهـم بنفراجـه
راسه شجيع معرب الجـد والخـال=يبدي برايـن مايجيـه انعواجـه
ذخر الامارة ذخر ماضين الافعـال=اللي تبين فعولهـم فـي المواجـه
لا جاء نهار فيـه للحـرب عيـال=خصيمهم ماعـاد يـذري ملاجـه
وتمت بعـد الحـق والحـق ينقـال=واقولها من غير قصـدن وحاجـه
وصلاة ربي عد مـا هـل همـال=على شفيع الخلق يـوم المواجـه