الضيقه اللي سيطرتها على البال = طالت وانا اقول المسافه قصيره
كنيتها لين انبرى منّها الحال = وزفرتها لاكن ما هيب اخيره
تغيرت عندي مفاهيم وأقوال = وتبدلت عندي معاني خطيره
وتشكلت عندي تباشير الآمال = والورد ما عود عبيره عبيره
والليل عندي ماني ابقايل ٍ طال = لاكنًه اقشر من نذير لنذيره
اشوف واسمع حال وتبدي لي احوال = واسج بين التايهه والبصيره
ازوال تعجبنا ولكنها ازوال = وشوارب ٍ ماهي كفو للعسيره
يا الله تبعدنا عن اوجيه الانذال = وانك اتقربنا الوجيه السفيره
نمشي على نيه والاقدام ترحال = والآدمي ما يندرى وش مصيره

محمد غازي الشيباني

صح لســـــــــــــــــانك يابوغازي وسلمت من الضيق

المشاركة الأصلية كتبت بواسطة أخو جوزا (المشاركة 788147) صح لســـــــــــــــــانك يابوغازي وسلمت من الضيق

المشاركة الأصلية كتبت بواسطة سطام روق (المشاركة 788342) ازوال تعجبـنـا ولكـنـهـا ازوال= وشوارب ٍ ماهـي كفـو للعسيـره يا الله تبعدنا عـن اوجيـه الانـذال=وانـك اتقربنـا الوجيـه السفيـره صح لسانك تحيتي ..........