الليله المعرفه سوات حدب السيوف = تأكل بحدينها وتضد من ضدها
أما ذبحنا جمل والا ذبحنا خروف = دام السعيدي حضر يارد على وردها

الليله المعرفه سواة خد الهنوف = احدن يجي فرعها واحدن رثع قدها
خطامها في يدينك وانت عينك تشوف = الهرجه اللي تقرقع فالحشا عدها

شفت اليتاما يخلطون القطن وسط صوف= وشيخ التجر يغضي بعينه ولو لدها
والناس تمشي على حسب الهوى والظروف = لو نقصو ا صاعها ياذيب مع مدها

مادام ديرتك دار الميتمه والضعوف = اللي من الياس يجهل عمها جدها !!
انته كثير السفر تبطي وتبطي تطوف = صارت ديركم خلي وان جيت ترتدها !!

غريت درب العرب لو كان عينك تشوف= مدري خلل ف البصر ولا عمى جدها
الخير في داركم ماله ترى من وصوف = وتجاركم بنيهم ماهو كما هدها

لقمة غليص وحصاة رزاح نفس الصنوف = وانكان ودك تبا الثنتين ماردها
وشلونك اذمك كريم اسبال وانت امعروف = واليا لفتك الطراقي عشها غدها

الباعه الراتعه مالي عليها حسوف = يشتالها التاجر اللي دقدق في نقدها
البس حرامك وحول للحرم ثم طوف = وليا لقيت العجم تعطيك من يدها