يا سلامي على العتبان برقا و روق = من هجوسٍ على شوف العرب تصطلي
يا بحر خابرينك فالمواقف سبوق = ما انت مطروح والمطروح شروا الطلي

مرحبا مرحبا ياللي تغن الطروق=والذلول العمانيه غدت بجملي
جيتنا لابسٍ مشلح وكله فتوق=مير عدّل وبدّل واستمع مايلي

البقا يالمرحب قبل لزم الحلوق = انت روقي وانا في ماقفي عبدلي
جيت باليد سيفٍ من يذوقه يروق = مار خذ لك نصيحه ثمّ ذب الخلي

عبدلي عبدلي ماشك فيها مخلوق=مير منزلك ماياصل ليا منزلي
رد سيفك قبل دمك يقف فالعروق=لاتحارب رجالٍ لبسوك الحلي

عبدلي عبدلي بالفعل ما هو سروق = وانت راع الاخيره ما انت بالاولي
هبّ يا الحيه اللي حيلها فالشدوق = بربط الشدق لين السم به يمتلي

الاخيره والاولى كلهن من صدوق=يارجال افهموهم ياغيوم انجلي
انت نوب تغفي واحيان يمكن تفوق=اترك الحيه افطن بس لابو علي

الاخيره والاولى قسم للي يبوق = كيف تنسب عملك الشين ضمن اعملي
كل ما طحت يا ابن الناس نرفعك فوق = وانت راعي قليبٍ فيه تدلى الدلي

يالشطيطي عليك الحق واوف الحقوق=والله اني ماعدّك غير ظمن اهلي
كان عطشان عندي لك شراب وغبوق=تدري اني بحر واغليك دايم غلي