يا جماعة خير من وده يغني علمونا=نلعب القاف السريع وكل زند يشب ناره
الصدور من الهموم محمله من كل لونا=هم فصندوق والثاني وزاني فالغماره

انت للجزله زبون وجاك للجزله زبونا = سرها والنار تالع يالعتيبي من شراره
ماعلى الدنيا ضميرٍ مسترح مافيه لونا = مار همك يفرجه خالقك مايفرجه غاره

كلبونا للفعول اللي تنومس كل ابونا= والفعول اللي تنومس كلبوها فالصداره
يا جماعتنا ليا جينا اموضوع افهمونا=لا نسافر كلنا ونصك بيبان العماره

من فعل فعلٍ ينومس فالمواقف مايهونا=والعتيبي يالعتيبي دايمٍ راعي نماره.
اشرح الموضوع لين ان الجماعه يسمعونا = كل راعي دار ما وده يغادر عن دياره

يوم جونا بالزياره ونكفو ما عاد جونا=والبلا من راعي الحفله ومن راع الزياره
مير زين ابشرك بالسالفه مازعلونا= والهديه للولد نجمه تعلق في زراره

زاوروك وجوك واللي زاورك مازاورنا = وانت من لايذكرك بالخير وش تبغى بخاره.
من تحصل شي يستاهله وامر الله يكونا = والقضيه هينه ولكل مرسوم قراره

ماتعشو عندنا لكنهم ماريحونا= لين جينا بالكتاب اللي بنمره وستماره
يا العصيمي جعلهم في اللي حصل مايسمحونا= تعرفون الجو مابين البروده والحراره