سبَلت سحب الفرح بأمر الودودي= والبشاير من سحايبها أمطرتها
زوديني يالمشاعر بالوقودي = القصايد دوب ماجات اثمرتها
كان ماغنيت في مفرض وجودي= سامح الله لحيتي وش فايدتها
ياقلمنا سر وأفكاري تجودي = مجد اللي مجد الله منزلتها
ربعي الهيلا عريبين الجدودي = نخبة النخبه خذتها وملكتها
بالبكار الهنف سمحات الخدودي = كل بكره يعجبك زين رقبتها
بين وضح وبين شعل وبين سودي = الجوايز كل أبوها ماخذتها
بيَنه وشهودها فوق العضودي = قبل ماحنا نتسلَم جايزتها
شش يالفرحان وأخرج يالحسودي = بلَ كبدك من لظى نارٍ كوتها
عادة إلنا والعلم فوق العمودي = العلوم الطيبة نجي أولتها
رافعين روسنا بين البدودي = كل منا لابته معلي بختها
ولاحسبنا للجوايز والنقودي = همنا من هي تومَي بشعفتها
من وراها لو تبي حد الحدودي = المهم إنَا نلبيها شهوتها
عزَنا والله يعلم وش يسودي = والحقيقه كل قوم ومقدرتها

ربعي الهيلا عريبيـن الجـدودي ***نخبـة النخبـه خذتهـا وملكتهـا


قصيده رائعه

صح السانك وربعنا اللي فازوا يستاهلون الفوز

لاهنت طال عمرك

تقبل مروري