والله لو جاني البارح مبشر يقول جالك ولد =
أنها ما تعادل لحظة عشت فيها زي حلما=
والا من كان يتجرا و يقدر على تركيع بوش=
الحذا اللي ضرب تمثال صدام في ذلة و جبنا =
بيد مقدام ركع بوش الأصغر بشحمه و لحمه =
الحذا اللي من أول ما حكم بوش صافحنا بكعبه =
يستحق إنه يشيله معه مثل تذكار الوداع=
لكن اللي غبني كيف راغ الخبيث و صاف عنها=
ربما كانوا أهله ما يربونه الا بالنعال =
يا حذا منتظر لك عدة أوجه ولك عدة زوايا=
ليتنا نلتفت لك يوم يهدا غبار العاصفة =
فأما يابوش لو جينا نقارنك بالزيدي لحاله =
عز الله انك أسود وجه و إنه كفو وانه بطل =
أما لوجت على الأمة عموم أنت وين و فين حنا=
قلنا هاردلك و نقول مبروك و برافو عليك =
حط رجلك ودس ما عندنا الا حلالك و ش يردك=
الثلاث المية مليون ما فيهم الا منتظر =
ما نقل جزمة الزيدي وجزمتك في الميزان واحد=
جزمته فالهوا وأما أنت جزمتك فوق رقابنا=
عبدالواحد بن سعود=