سلام الله من الصاحي ويقصر دونه المجنون=سلام الله على اهل العز وهل الطيب والهيبه
ولا ياثبت شاعركم طلب فزعه على مليون=ولاكن مافزعله يا جماعه كبتن عتيبه

هلا يامرحبا ترحيّب مايخرج عن القانون =ليا رد السلام الضيف عادتنا نحييّبه!!
فزعنا يالعتيبي وأنتظرنا للحفاه يجون=وأثركم ياجماعتنا مابين الشّك والرَّيبه!!

يدوم إلك البقاء واهل الوفاء ياصاحبي يوفون=وراع الفعل دايم بين خلق الله يماريبه
ولد حافي من عيال الثبيتي ضايق ومغبون=تصايح تنخي عتيبه وكلن ماسكن جيبه

ولا ياصاحبي وش فيك مستعجل ..عليك الهون=ترى اللّي صار لا ذالحين يمكن ما انت داريبه!!
حصان ثبيت وصل اليا النهايه والعرب يدرون=لكن حصانكم يالحافي احفى الله عراقيبه!!

درينا يالثبيتي ماجهلنا والعرب يوحون=صياحك يالثبيتي روع الورعان والشيبه
ترانا ماتبعنا يالثبيتي ربعك الغاوون=كلامك ياصحيبي ليتك تعدل هناديبه

ليا صرت متحمس لا تخلّي في ضميرك لون=ولا منّه وصلك الرد قاسي قول: ياطيبه!!
وأنا عندي عصا موسى ..بلاشي سحر يافرعون=قلبنا السحر فوقك ..وأنت مدري وش تسوّيبه!!

عزومي ماتراخت يالثبيتي والعرب يدرون=وقاف(ن)تاتغنيبه ترا حنا نغنيبه
بعد محرقت صدره ياعرب بالنار والغليون=يحد الناس لين اطلع التمره من العيبه