صياف بن عواد أنا عهديبه=ذيك السنه واليوم شقته مره
وأن قلت ياصياف وين الغيبه=يقول أنا ناشب برأس الحره
أنا أسمع الطاروق وأغنيبه=والذاهبه بقصها بالجره
ياطيب راع المعرفه ياطيبه=يضحك علي الدنيا بعلم الذره
الوقت ياحربي عطاك جنيبه=ياالله على عسى خيره ياكافي شره
جاك الحوار وشفت راس ذنيبه=والعلم لاجات الرحى مفتره
واد الرمه سايل وجاك شعيبه=وأيامنا لابدها مغبره
طال النهار وكل يوم مصيبه=وتجيك غرا نعنبوذا الغره
الله يطول عمر ذاك الشيبه=منه الرجال أكبودهم محتره
بنت الزناتي سنها تركيبه=وتشيل معها علة بالصره
معك الحزام ولا معك تزهيبه=إركب بظهر الحر وأنت الحره
ألأسبح بظهر البحر لاتمشيبه=بعض العيال قلوبهم مغتره
لاوالله أركب موتري وأسريبه=لكن حلقك يالحريبي زره
الوقت هذا فيه شك وريبه=الخبل نعطيه العسل ويضره
والله لاجر الصوت وأناديبه=حتى تجي محمرة مسمره
بجيب أنا المشعاب وأنته جيبه=قدام دنيانا تزرك زره
وش عاد نعمل فيه ونسويبه=أن زاد صاحبنا يعيد الكره
لازم نحط إله البلاء في جيبه=وديسن يجي منه الحليب نصره
وأنته ماتدريبه وأناداريبه=تجيك لاجرباء ولامعتره
أيامنا لابدها تلويبه=تعطيه طعم الحاليه والمره