وش يكون الكون يمه.. وش هي أفلاكه وجرمه.. وش يكون الكون يمه.. وش هي أسراره وعلمه.. وش يكون الكون يمه.. أجمع أطرافه وازمه.. شايل هـالهم.. قلبي ما حدٍ غيرك يهمه وإن ظهر للناس.. ظهري شايلٍٍ جسمك يلمه مادروا في القلب.. قدرك ساريٍ عرقه ودمه قايدٍ صوبك.. صوابه عاقدٍ جهده وعزمه حبك اللي من زمان.. يعمي احساسي.. يصمه من يلوم العاشق اللي.. هايمٍ في حب أمه ؟! وش يكون الكون يمه.. وش هي جيوشه وظلمه.. وش يكون الكون يمه.. وش هو احساسه وغمه.. وش يكون الكون طعمه.. لا فقد مخلوق أمه ؟؟ طيفك اللي مر في الفرقا.. يجذبه شوقي يخمه طفلٍ من أيام الصبا.. يرتمي فحضنك يشمه يصعد على اكتاف الوفا.. يطبع على راسك بفمه وينزل على يدينك.. سما يدور تحت رجلك القمه وش يكون الكون يمه.. غافلٍ قال هالكلمة: وش يكون الكون طعمه.. لا فقد مخلوق أمه؟؟؟ -----

وفي الختام



فحلس

كانت العرب تقول في أمثالها :

أبر من فحلس

هو رجل من بني شيبان، زعموا أنه حمل ِأباه، وكان خرفاً كبير السن، على عاتقه إلى بيت الله الحرام حتى أحجه.


كما في معجم الأمثال للنيسابور المتوفى في عام 518 هـ


-----



العملس

كانت العرب تقول في أمثالها :

أبَرّ من العَمَلّس، وهو رجل كان يحجُّ بأمه على ظهره.

كما في كتاب المزهر للسيوطي المتوفى في عام 911 هـ


.

المشاركة الأصلية كتبت بواسطة هـايـل الـعـتـيـبـي (المشاركة 784556) ماشاء الله عليك اخوي عبدالمحسن الدلبحي ... على القصيده الطيبه والرائعه كروعة حظورك بين بني عمك ... صح لسانك وبيض الله وجهك على ماقدمت ...ونتمنى المزيد والمزيد..

شكراً اخوي هايل العتيبي واقول

يامرحبا أعداد رمى البلاجيك..

ماتخطى المرمى على قد مرماك..

الطيب طيبك والغلا زرع أياديك ...

عون وسند منهو يدورك يلقاك...

عسى السعادة فى حياتك تباريك....

وتسلم ويسلم كل من كان شرواك.

المشاركة الأصلية كتبت بواسطة فيصل بن ضاوي (المشاركة 784565) أمتعتني فعلاً بهذا الإبداع والرونق العالي من الأدب والمعنى السامي لا أطيل لكن أسجل أعجابي بشخصك فتقبل تحياتي

شكراً اخوي فيصل بن ضاوي على كلماتك التي تكتب بماء الذهب .

لا عدمناك