سلام والشرهه كبيرة والعلوم موثقه = والعلم والمعنى بعيد وله رموز معادلات
يالصاطي اللي نحسبنك كل ماقلته ثقه = انا كشفتك يوم حرفت العلوم الماضيات

يامرحبا ياجعلها شرهه مهيب امفرقه=جرحٍ يداويه الدوى ماهوب مخلوق ومات
انا لقيتك والدروب امغربه ومشرقه=لشرق سرحت العيال وغرب سريت البنات

الله يبارك فيك والنور ان بدا لاتدرقه = يبرك صروم الحق فوقك لاتقلي فات فات !!
اللي يبدل فالحقايق وش تسمي منطقه ؟ = وانا معي شرهه ولابين الرجال مجاملات !!

النور في وسط السماء كل العرب ماتلحقه= ونته رفيقي لا تخلط المر مع سكر نبات
يا صاحبي قود الجمل مثل العرب ولا سقه=هيا معي والصبح اوردك العدود الراهيات

انته طبخت الراس يامسكين مافيه امرقه = تنصا مراويس العرب وتبدل العلم الثبات !!
تملا صحنك من الكريك وللسعيدي ملعقه = والله كبيره ياعميل الخير يازين الصفات !!

لو معك حيله تسبق الصاروخ يمكن تسبقه= ما عاد اشوفك غير لاصق في جنوب الطايرات
النمل له بيتٍ يظمه والعرب ماتحرقه=لو كان ينشب فاليدين وفالثياب الضافيات

النسخه اللي في ديار هذيل عشرين ورقه = عندي شهود وكلهم ذخر الرياجيل الثقات !!
واللي بنا خيمه وراح يقول عندي صندقه = محدن مصدق هرجته والناس ماهي في سبات !!