سلام الله عليكم من هجوسً هاضها الافعـال = بدايتها مطير ومنتهـاها حصان طرواده
الا ياوقتنا اللي راح لا يرجع ولا ينطال = تحت حكم الدويش سيوفنا تخضع لها الساده

هلا يامرحبا بك من هجوس جالها منزال=بدايتها عتيبه والنهايه زور جلاده
عجايب يا جملنا كيف تنكر سوقة الجمال..!!=ولكن وش علانا دام حظ الهرش فقياده

على قرع الطبول ابد السهر مع رنة الخلخـال = وعلى صوت المنادي للصـلاه أمـد سجـاده
تحت ضـل الطيور الجارحه قالو لقيت ضلال = تضلل يالعتيبي وان لمحة أصويحبك ناده

المشاركة الأصلية كتبت بواسطة جمل زومان (المشاركة 783246) الا ياوقتنا اللي راح لا يرجـع ولا ينطـال تحت حكم الدويش سيوفنا تخضع لها الساده صار الحكم البريطاني هذا يامثيب ههههههههههه صح لسااانك مبدع ونعم فيك وفي ربعك وصح لساانك يامرجح رد رائع تحياتي لكم

على قرع الطبول أهزع وبين حفة السلال=وتبشر مع سجودك يارهيف الحس بقلاده
ترى ما أحدن خبر بأن الطيور الجارحات أنذال=وصوادير العلوم اللي تغث البال وراده ..!!ِ

انا راعي غنم في كل فيضـه بالبـلد جوّال = ولا عاب النبي رعي الغنم والحق بفواده
على ظهر الحمـار اسوق لي طرقي بليا مال = ابي منه الرضا واليا رضى لا يجهد جهـاده