لاصرت ماتقدح من الرأس ياهوه=افضل تعيش الوقت كله خلاوي
الناس كم واحد من الخلق دهووه=ماوردوه لعد صافي رهاوي
والناس كم واحد عن الطيب حدوه=لاصار يتبع تايهين الخطاوي
واللي تحملني مع الناس مشروه=وش حاجتي فيها عساها نحاوي
فعل الجميلة عان الأجواد مدوه=حتى وصل للي بعيد الهقاوي
إن مافعلت الطيب طاريك نسيوه=مادام لك جسمن على الفعل قاوي
الطيب ستر الجسم والردي مشبوه=وإن ماسترت الجسم وش له تراوي
كل آدمي له عقل ماهوب معتوه=لاصار يازن به جميع الدعاوي
والعقل ماورد هل العرف للبوه=ولا يملكه ياكود رجلن غناوي
غني عرف برأيه إن كان شاروه=وحله لصعبات المواقف شفاوي
راعيه يعرف واجب الناس لاجوه=ماهوب عن واجب هل الجود ثاوي
واللي تبع ناسن ولا يوم قدوه=أنا أشهدنه رايحن للمهاوي