محاوره حماسيه للدكتور حمد العصيمي
 

الدكتور حمد العصيمي
باسم ابو تركي وباسمي واسم ربعي والقبيلـه
مرحبا با اللي حضر للحفل من كل النواحـي
يا حسين الطايرة طـارت ورحتلهـا طويلـة
وانت محجوز لك جوف الطايرة كرسي سياحي

حسين الحارثي
بسمي وبسم الحضور اهل الوفا واهل الجميله
البقا ياللي ترحب عن ربوعك وانت صاحـي
ياحمد كانك تبا الرحله على طيـب وفضيلـه
رحلتي تحتاج جهـد وجـد مافيهـا مزاحـي


الدكتور حمد العصيمي
كان صاحي لا تعـرض للبوابيـر الثقيلـه
ثم تصبح سالفه بين العصيمي والرياحـي
يبن داخل حاول انك تاخـذ الدنيـا بحيلـه
لا تعرض روحك لطعن الشباري والرماحي


حسين الحارثي
والله اني ماخذ الدنيـا بغـدر ولابحيلـه
كود بالسيف الصقيل وبالذخاير والسلاحي
تحسب ان الستر دايم كل يوم وكل ليلـه
يوم قمت تهيّمن بشعرك مساك مع صباحي


الدكتور حمد العصيمي
سيفك اللي ذاخره وقفك في ريع الفشيلـه
ما يرد القوم عنكم فا الهجاد وفا الصباحي
كل ليله من بقر ميسان فاقد لـك حسيلـه
وا ن لقيت السبع تعدي معه وتلج الصياحي


حسين الحارثي
يشهد الله ثم خلقه انـي ال غيـري دليلـه
يوم بعض الناس قلبه من ورا الاضلاع فاحي
ياحمد رد النياق اللي على السكـه هميلـه
لاتروووح مثلما راحت قعوديـنٍ صحاحـي


الدكتور حمد العصيمي
يا الدليله لا تضيعك العرب باهون وسيلـه
ثم تضوي با لمصيبه للعرب جوف المراحي
القعودين اهلها يقلـون مـا فيهـا عقيلـه
واهلها جايينك بعلم كمـا السـم الذحاحـي


حسين الحارثي
ماحسبنا يالعصيمي للنفوس اللـي ذليلـه
دام ماشي في طريق الحق دكتور الجراحي
عقب ضحينا بها حملك يابو تركي وشيله
وان نويت بعلم ثاني سدك من العام باحي


الدكتور حمد العصيمي
كل ما تشعـل فتيلـه طفـوا الحـرث فتيلـه
كن ابا الحارث علاها اسبق من انسام الرياحي
العصيمي فـازع لـك فـا لكثيـره والقليلـه
مار حظك طش علمك من على قرن الوضاحي


حسين الحارثي
كل وادي ياعتيبه حر في عشبه وسيله
اتركونا لو تهاوشنا على العد القراحـي
فزعتك هي شرنا ياللي مايامن به دخيله
راح وقتك يالعصيمي مابقالك وقت راحي


الدكتور حمد العصيمي
هوشة الحرث على الما مار جتهم با النثيله
مالنا فيها صلاح ولا لنا فيهـم صلاحـي
لو دخلت بوجه ابو تركي ما ضيعت الكحيله
مار راحت مثل مرواح العقال مع الوشاحي


حسين الحارثي
اشهد ان انفوسكم من ماضي الدنيا عليله
مير ابحدركم الوديان او الحزم البراحـي
عارفينك تقتل الخصم وتقل منهو قتيلـه
بالحيَل والغدر لكن بارق المردود لاحـي


الدكتور حمد العصيمي
الحصيني كل ما اقفينا عنه يرتـز ذيلـه
وان وصلنا له ركز ساقه وطالبنا السماحي
عارفينك وانت نازل وادي واصلك سيلـه
لين ترواه الكبود ولين تشربـه البطاحـي


حسين الحارثي
ياحمد اسلوبك اقشر مير دور لـك بديلـه
قبل لا ازيحك وازيح الكرشمي لو مايزاحي
في ختام القول بن ادم ترا منتـه وكيلـه
انت طيرٍ من زمان العام مكسور الجناحي


الدكتور حمد العصيمي
من وقع بيني وبين الكرشمي واعزتي له
واحد يحوش الرعيه حوش والثاني يتاحي
اطلب الله فا السلامه خل عنك المستحيله
صار للجما قرون وبهذلتنا با النطاحـي

حسين الحارثي
اثركم رعيان وانا احسبكم من اهل الاصيلـه
كيف سدتو وانتم الكل مخه من الشمس ساحي
اه ياويلك من اللـي جـاي ومحمـد ياويلـه
دام مياح العـدود الـزرق يالعتبـان ماحـي


ـــــــــــــــــــــــــــــــــــــ

عبدالمجيد العطاوي
..
هايل العتيبي
بيض الله وجيهكم على المرور وبالنسبه لهذه المحاوره في قديمه لها اكثر من ثلاث سنوات

موجوده في الانترنت ومنقوله من موقع الدكتور حمد العصيمي
منتديات المشراف الادبيه