شاعر وأبا لي شاعرٍ سيفه على المعنى شطير = يقطع شرايين الرقاب ولا ينوش ازرارها
يرمي معي حب المعاني في رحاةٍ تستدير = ولا أحدٍ يشم اطحينها ولاّ يشوف اغبارها

يا مرحبا يالبحتري فالملعبه وصلك جرير=شاعر ليا منه حضر طق الخلاء شعارها
اقرب على عد الروى واسحب معه سلك الحرير=سوق الجمال الباركه فوق الصفا با ازوارها

أخذ المعاني كلها وأسبح بها البحر الغزير = خلّ العرب تطريك بين أصغارها وأكبارها
جاك البعير إلي ليا غنيت يهدر لك هدير = وبيوتنا صعب ٍ على الجاهل يهزّ إجدارها

يا مرحبا بك يا جرير وكل عام انتم بخير = مار انتبه للبندقيه لا يزمّ اعيارها
رد الضوامي عن جهنم لين تارد زمهرير = خلك مع ايمنها ولا تنسى تمرّ ايسارها

الظاهر اني بعتذر للبحتري منت ابجدير=راحت تراحيب العرب و المقبله باسرارها
يالله جويرك وش يجيب القافله درب(ن) خطير=خطر(ن) على بعض النياق اتموت جنب احوارها

المشاركة الأصلية كتبت بواسطة السنحاني (المشاركة 782797) الظاهر اني بعتذر للبحتري منت ابجدير=راحت تراحيب العرب و المقبله باسرارها يالله جويرك وش يجيب القافله درب(ن) خطير=خطر(ن) على بعض النياق اتموت جنب احوارها