يا لسعيدي بعد ماجيت زان الليل = مرحبا بك بريدك ضاع عنوانه
انت جار العتيبي اللي نزل بالسيل = لين حدك على ضلعك وشعبانه

انت مشتال لك قربه وناصي سيل = اصبر شوي ثم تجيك مليانه
والله اني مع الجيران موفي كيل = مار هرجتك هاذي لاح ليحانه

شد حيلك ولليلك يا قوي الحيل = لين رأسك يقر الليل شيطانه
والله انك شربت الغيل بعد الغيل = مار ساترك ستر الله سبحانه

لاتوصي سنافي من رجال هذيل = لاحضر مع حضوره مالكم خانه
ارجع شوي بالتفكير يا حلحيل = واذكرو قصة ابن عوف وحصانه

أول الوقت تالي الوقت فوقك ميل = كاسي الجسم ثوب الروح عريانه
يانجم في سمانا قد بدالك ذيل = هاك هاك الكلام اللي بميزانه

هيه يالطرقي اللي تنقل الزنبيل = زارع(ن) فالبلد خوخه ورمانه
دام كبرت عليك السالفة بالحيل = عد لي علمك اللي جيت منشانه

الهذيلي عيونه كانها الدربيل = مار جاه الخلال الليل بعيانه
يا جمل شيل حملك والوساقه شيل= كان غريت دربك قلتلك عانه

قرب الصبح يصبح يا زبون الهيل = يالنشيط المحذلق دبرتك زانه
ليت ربعك تحطك خدمة التوصيل = تحضر الما وتنقل كل غرضانه