مرحبا ياشاعرن غاب مدري وين راح=غايبن مده طويله ماعرف اسبابها
سرها مسري الذيابه ليا وقت الصباح=وانت قدامك ذيابن تحد انيابها

البقاء باللي ماشفناه لان الوسم طاح=مادرى عن حضرة الناس من غيابها
الهقاوي من ورى الجدي والدنيا كفاح=ماعلينا من نمور الدير وذيابها

انت وينك مالقيناك والصياح صاح=كيف نعرف صادق الناس من كذابها
دوب جالك ريش ياطير وترف الجناح=والحياه الي بلا عز لا ترضابها

راح وقتي بين معجب وبين ابن فلاح=شرهة الطيب ترانا نحسب حسابها
ماتغيرنا مع العولمه والانفتاح=لاتعنيك الطواري ولاتشقابها

نايف بن ملحق الثعلي

مرحبا ياشاعرن غاب مدري وين راح=غايبن مده طويله ماعرف اسبابها
سرها مسري الذيابه ليا وقت الصباح=وانت قدامك ذيابن تحد انيابها

ناصر المرشدي

البقاء باللي ماشفناه لان الوسم طاح=مادرى عن حضرة الناس من غيابها
الهقاوي من ورى الجدي والدنيا كفاح=ماعلينا من نمور الدير وذيابها

نايف بن ملحق الثعلي

انت وينك مالقيناك والصياح صاح=كيف نعرف صادق الناس من كذابها
دوب جالك ريش ياطير وترف الجناح=والحياه الي بلا عز لا ترضابها

ناصر المرشدي

راح وقتي بين معجب وبين ابن فلاح=شرهة الطيب ترانا نحسب حسابها
ماتغيرنا مع العولمه والانفتاح=لاتعنيك الطواري ولاتشقابها

انت ودك تعطي الناس ويدينك شحاح=اثر بعض اصحابنا مختلف هندابها
ليت بعض الناس ريح ضميره وستراح=والمواقف عند قوم طوال اشنابها

ليه سدك يابن ملحق بعد بيتين باح=انتبه للنار والنار من شبابها
ماعليه من هل الزور عدوان النجاح=تكبر العذرى وتفتن وانا خطابها