الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   مجلس الهيلا العام (http://www.otaibah.net/m/forumdisplay.php?f=4)
-   -   ليله الدخله .... قصه لا تفوتكم (http://www.otaibah.net/m/showthread.php?t=8218)

ABUYAZEED 27-Mar-2004 06:24 PM

ليله الدخله .... قصه لا تفوتكم
 
ليله الدخله .... قصه لا تفوتكم
قصه واقعيه حصلت في ليلة الدخله
شاب راح يخطب وحده وتمت الموافقة على الخطبة ومن ثم الزواج المهم هو وش اللي صار ليلة الدخلة بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي:
الزوج : ألووووو.
المتصل : السلام عليكم ورحمة الله وبركاته . كيف حالك يا (فلان) و ألف ألف مبروك .
الزوج : وعليكم السلام وينكم يا أنذال ما حضرتوا الحفل يا تعبانين.
المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة.((طبعاً الديرة تبعد حوالي 300كم ))
الزوج : المهم تعشيتوا .
المتصل : لا والله.
الزوج : كم عددكم؟
المتصل : عشرة.
الزوج : أقولك (حرام طلاق عشاكم الليلة عندي) قل تم.
المتصل : يا ابن الحلال (غيير بدل).
الزوج : يالله أنا أنتظركم مع السلامه.
وقفل الخط. الزوجه المسكينه ميهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع.===((على بالها بيجيب عشاء جاهز))
بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق . قال هم ذولا وصلوا يالله همه يامره. وراح عند ربعه يقهويهم.
المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم
المسكينه متضايقه .
و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟
^
^
^
^
^
^
^
^
^
^
^
^
^
^
^



أن زوجها يدخل عليها ويرمي لها بــ(50000)خمسين ألف قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك يا موافقه ولا لا وأنتي من كسب الرهان وتمت ليلتهم على خير و أصبحى أسعد زوجين.



تحيــــــــاتي

عتيبي عفيف 27-Mar-2004 10:50 PM

هههههههههههههههه

والله انه فاضي هالعريس ليلة الدخله (( تقطيع بصل ))

والله المسيكينه راحت فيها لكن طلعت من السالفه

(( بخـــمــــسـ 50000 ـــــين الف ريال ))

يعني مهر ثاني في ليلة الدخله

على العموم لك كل الشكر يا ABUYAZEED

بس اعتب عليك لانك فتحت عيون اللي زواجها قريب

يمكن زوجها يسوي سوات الاخ العزيز

تحياتي لك عتيبي عفيف

راعــ بقعاء ــي 29-Mar-2004 03:33 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه

من جد الساااالفه؟؟؟؟؟؟؟؟؟؟؟؟؟؟؟؟؟

شيباني نت 31-Mar-2004 02:12 AM

ابو زايد
يلعن ام العرس اللي زي كذا
فااااااااااااااااااااضي المعرس
ماوراه ( شي ) مرررررررررررره


تسلم ابو زايد


اخوك شيباني نت

احمد 02-Apr-2004 09:47 PM

رايحين فيها
 
تبون الصحيح يا خواني المعرس وهالضيوف رايحين فيها

فيه عاقل يقلب ليلة ( العمر ) الي ليلة مراهنات
لو السماجه لها ريحه كان عريس الغفله مانامة معه العروس المسكينه
بلا 50000 الف بلا خرابيط ،،،

أحـــمــــد ..

ابن مشيب 02-Apr-2004 11:40 PM

امحق زوج , زوج والله البركة , وشلون يراهن الرياجيل على شي يخص شؤنة الخاصة:D


الساعة الآن »05:40 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd