سلام رديةٍ تنصى الرجال الكرام=عقب البطا , من هجوسي قمت أغني بها..!!
لي صاحبٍ فالمراجل ما يذل ويضام=ان كان حاضر .. رجوم الشعر يبدي بها

يامرحبا يامرجح ..كيف حالك .. تمام ؟ = عقب البطا شوفت الاصحاب ياطيبها
فيك الوفا والوفا طبع الرجال الحشام = يالشاعر الي فنون الشعر تدريبها

دام البقا والحوال مصلحه كل عام=وأكبر دليل العدا للشرق أصلي بها..!!
أنته تقوله وأضنك طامعٍ فالسلام=وان قاله الله تبا ذا الليل تسري بها

ان كان هذا كلامك ردنا بالحزام = خل البنادق توريكم مضاريبها
اثرك من العيد غايب في بحور الظلام = متعلم القرصنه في بحر كاريبها

يا راعي المحزم اللي حبته ما تسام=وآآآ شيب عينك من الأيام وآآ وشيبها
اليا لقينا الهنوف أم النهد والزمام=ما غيرنا يا طويل العمر يحريبها