الهيـــــــــــــلا *** منتدى قبيلة عتيبة

- - ردية في شاعر المليون (http://www.otaibah.net/m/showthread.php?t=81816)

ردية في شاعر المليون

- البدع ، فواز الدهاسي القثامي العتيبي ( فواز الدهاس ) :-

اخوي يالوسام امسيك بالخــــــــــير= يالله لعلك في حياةٍ سعـــــــــــيده

عن شاعر المليون وش خبر الطير= عطني جواب اهل العلوم المفيده

- الرد ، احمد الطريسي الحربي ( الوسام ) :-

حييت يا نسل الحرار المناعيــــــــر= عسى حياتك يالسنافي مديـــــــده

قال العتيبي يضحك صوير بعويــــر= واقول يا مطيب نباه وقصـــــــيده

- فواز:-

انتم حروب مفرقين الطوابــــــــــير= حتى الدول تشهد بوقفة شديـــده

وفي شاعر المليون سرقة وتزوير = لكن تراه اظهر وجيهٍ جديـــــده

- احمد :-

وانتم عتيبة فالليال المعاســـــــــير= اهل الفخر واهل السيوف الحديده

ويا شاعر المليون متعبلك السير = لو اني اشارك بوسط الجريـــــــده

- فواز :-

ختامها مني سلام و تباشيــــــــر = لكل من شارك معي فالقصيده

ويا شاعر المليون ماهمني غير = اقول كلمة حق فلحاء سديده

- احمد :-

ختامها رد الخبر دون تاخــــــــــير = للصاحب اللي محد يجهل بريده

علمك وصل مضيق طارق ليا النير= وانا اشهد انك يالسنافي وليده

كفووو يافواز الدهاسي القثامي وصح لسانك ..كذلك صح لسان قبيلك الشاعر احمد الحربي...

والله يعافيكم ..وبيض الله وجيهكم..:)

مشكووووووووووورررررررررر

وانتم عتيبة فالليال المعاســـــــــير= اهل الفخر واهل السيوف الحديده

صح لسانك يا احمد ونعم فيك

وصح لسانك مليون يا ابن مدهس

وفالك الطيب يابناخي

- هايل العتيبي نصره الله ........ - هائل اسم على مسمى -

أعذرني أخي الكريم فإني أحس أني مقصر في حقك و زملائي الأعضاء

و إخواني الضيوف ، و لكن يغفر الله لنا و لكم و المسلمين بكرمه و رحمته .

- أسير الظلام بارك الله بك و العفـــــــــــــــــــــــو .

- عزوتي عتيبة و الإبل تروى حفظك الله و أيدك بنصره و توفيقه .

لاهنتوا جميع

- المرقاب أعزك الله .