يامرحبا ترحيبة(ن) و أقصى الهقاوي دونها=والليل دوب الليل سلّم يابن محلق وإستلّم
ياذيب حدّتك الذياب اللي تحدّ سنونها=إحسب حسابك قدم لاتبدي على ريع الندّم

دام البقا ياربعنا الي ماختلف قانونها=ياهل السلوم الغاليه وهل الشجاعه والكرم
بعض الذيابه ماعرفنا شكلها من لونها=والليل توه ماسري خلك علي ساق وقدم

كثرت مشاريع العرب والله يكون بعونها=لكن لاتربح سهم معهم ولا تخسر سهم
ياربعنا نص الوعود الماضيه تنسونها=واللي تجاهل نصّها قلّه يبا يبطي عظّم

كثرت مشاريع العرب وزرت تسد ديونها=والي بنا بيته علي عزوشرف ماينهدم
ياربعنا بعض السوالف وشبكم ترضونها=تري المواقف تجبر الرجال حتي يحتزم

أنا غناوي والفقارى أملا لها ماعونها=لكن منك أظنها لو تغتنمّ ما تغتنمّ
خبري بكم يوم المواقف تحتمي تنصونها=بين المدينه والحرم بين المدينه والحرم

انته غناوي تاكل التمره علي عرجونها=وقت مضالك كنت شيخ القوم وتشيل العلم
مال المواقف غير اهلها مار لاتطرونها=معاد لك حجه ولو تقول ابا اكتب بالقلم

الله ولا يانايف وعول(ن) تطول قرونها=حول الجبال اللي بعضها مع بعضها ملتحّم
حنا ليا كبرت ونشبتّ عندنا ياهووونها=كب العلوم اللي تؤلفها عليّه من عدّم

سود الليالي نعنبوها بيحت مكنوناها=ماهيب من حضك تراها حض رعيان الغنم
نعمن بكم مار الامانه عندنا ونصونها=والصف واحد مار بعض الناس وده ينقسم