ياشيخ من فضلك علينا تردون=ابنشدك ياشيخ عن ما بالي
يومنكم بالمعرفه تستشارون=طرد الهوى هو ذنب ولا حلالي
با لله علينا بلاجابه تعجلون=تكفا ترى تكفا تهز الجبالي
انا تعرضلي من البيض مزيون=قبل غروب الشمس وقت الزوالي
صادفتهم وهمه على الدرب يمشون=ابغى انشده لكن مااعطى مجالي
قلت السلام وقال وش فيك مجنون=قلت انت من شافك يصيبه هبالي
يابنت انا من جور الايام مغبون=مير اعذريني يا حسين الدلالي
قالت على مهلك ترفق وبالهون=ترى وراي رجال يابن الحلالي
قلت اهرجي يا بنت والسر مامون=مابيح سدي لو تطول الليالي
لدت وقالت بس ما انته بضمون=هذا كلامك فيه نوع ارتجالي
يمكنك من اللي يبا يستخفون=وانا من اللي مايحب الجدالي
رح جيب اهلك ان كان تبا تخطبون=ابوي عانه في البويت الموالي
تراي خابرته حريص ومفتون=ولايجيبه غير خشم الريالي
وان كان تمم جب شهودك ومأذون=وادخل مع البيبان مثل الرجالي
هنا وقفت وصرت للزين مديون=مافيه اجابه عقب طرح السؤالي
نويت اخفي ما ابغي الناس =يدرون وأول ضحيه دريت ام العيالي
وصارت قضيه فاقت اعمال شارون=اكبر جرائم حرب واشنع قتالي
بغيت اهديهم وقاموا يزيدون =عجاج صيفن مقتفيه الخيالي
قلت اسمعي لرضاك ماني بمسجون=انا طليق ومكسبي رأس مالي
وترى الحقيقه كان تبغون تدرون=ماصار كله من نسيــج الخيالي

المشاركة الأصلية كتبت بواسطة عبدالرحمن الهيلوم (المشاركة 769926) صح الساااااااااااااااااااانه والسانك يالغالي

المشاركة الأصلية كتبت بواسطة متعب العصيمي (المشاركة 769937) صح لسان القايل وسلمت يمين الناقل الف شكر يالغالي

المشاركة الأصلية كتبت بواسطة قول وفعل. (المشاركة 769970) شاعر كبير يا بو عمر وشكر يا بن بريم على تنقيه هذي القصيده الجميله وترى الحقيقه كان تبغـون تـدرون=ماصار كلـه مـن نسيـج الخيالـي