|
عبيد ابن رشيد وفرسه ((كروش))
(((كروش ))) هي فرس لعبيد بن رشيد وكانت من أجود السلالات العربية
وقد طللبها فيصل بن وطبان الدويش شيخ مطير، ومحمد بن هادي بن قرملة شيخ قحطان. ويقول الامير عبيد الرشيد عندما طلب عباس باشا والي مصر فرسه((( كروش)))): يابيه أنا لكروش ماعطي ولا بيع ::: قبلك طلبها فيـصل وأبـن هـادي يابيه لوكثـرت بالقـول ماطيـع :: ياحيف تبغينـي أسلـم جـوادي يابيه مايرهم علـى مثلهـا البيـع ::: ولايجـي مثلـه بقـودة مهـادي ماجمع أصله بالقراطيس تجميـع :: أصله يعرفونه جميـع البـوادي باغ الى من لقموهـا المصاريـع :: وصاح الصياح وثار عج الطرادي أنهج عليهـا وتعـدى بالتراثيـع :: مثل الفحل لاصار وقت الهـدادي وأصلها لعيـون بيـض مفاريـع :: فـوق القنـا والسبايـا غـوادي هذاك بيعـه والصبايـا مفاريـع :: بين القنـا ومخفـرات الهنـادي هذاك بيعه كـان ماتفهـم البيـع :: لى منهن جلبن بسـوق المـزادي يابيه أنا لأسمع جوابك ولا طيـع :: هرجك بمقلة ناظـري والفـؤادي ياسابقي مانرخصـك بالمطاميـع :: حتى ولوقيـل أرفعـه بالحـدادي أبغي اليا ثار القنـــا بالزعازيـع :: وحطوا على عجلاتهن العـدادي أنطح ورا ربعي وجيه المداريـع ::: وأقضي عليها دينهـم والعيـادي وأنشد عن أفعاله بعـاد المفازيـع :: هو هرجنـا كـذب والا وكـادي من لابة بالحرب ماهـم مطاويـع ::: ولا تحسب بالمـداس العـوادي حلفت مايطري علينا بهـا البيـع ::: للحشر مايفخت سـواده سـوادي مادام راسـي للريـاح الذعاذيـع ::: بالعون طالبها من النـاس غـادي وديارنـا حامينهـا بالمرابـيـع ::: وأضدادنا عنها تجـي بالحيـادي وقد اصيبت (((كروش))) اصابة بالغة في احدى المعارك بالشمال ولعلها بالجوف فاضطر عبيد بن رشيد إلى تركها عند الشرارات وشيخهم(((اللحاوي))))) ليعالجها الطبيب ابن وردة كونها مكسورة وقال عبيد ابن رشيد : ياكروش خليتك كسير تعبتيـن :::: عند اللحاوي والطبيب أبن ورده وقال ابن رشيد ايضا :: أكروش عندك ياللحاوي وداعه خلًك لها مثل الطًبيب المداوي ياما يجون أهل الكرم والشجاعة شمًر إلى كثرت علينا البلاوي كم رأس شيخن نشلعه من نخاعه ويوم الملاقاء نودع النًمر واوي تخضع لنا روس الرجاجيل طاعه من الذًل ما هي ياللحاوي حلاوي. |
سلمت يابن رشيد
وكروش اظنها اشهر فرس عند البادية لقصة عبيد معها والكحيلة فرس عبدالكريم الجرباااا,, ولم يسلموهم للترك حتى بقيت معهم غصيبة,, فعلا عصاة وعظماء تقبل مروري ياولد العم |
ياحبني لكم ياشمر سوى شمر حايل ولا العراق
اشهد بالله انكم توسعون صدر الخوي اقوله بعد شفت اغلب القبايل وخاويتهم بس مثل شمر ماشفت |
لاهنت يابن رشيد على القصة الرائعه تقبل مروري |
كروش
بسمالله الرحمن الرحيم
أخوانى الاعزاء فى المنتدى العزيز الذى يحمل اسم قبيله ما ترضى الا الصحيح والحق وبصفتى احد ابناء قبيلة الشرارات حبيت ان اوضح الحقيقه وليس غيرها واعرض القصه الحقيقيه مع العلم ان ابن ورده شيخ من شيوخ قبيلة الشرارات وليس طبيبا كما ادعى من الكاتب وشمر جيرانا ونعرف بعضنا ونعرف ان شمر ما تحب الا الصحيح الذى راح اورده بالقصيده . كروش تلك الفرس العربية الاصيل التي ذاع صيتها وانتشر ذكرها عبر شبه الجزيرة العربية ومن ثم انتقل ذلك الذكر لبلاد الشام وارض العراق وتناقل ذكرها الركبان وشيوخ القبائل ووصل هذا الذكر لمسامع سلطان تركيا الذي انفتحت شهيته لهذه الفرس بالاضافة الى مشائخ القبائل مثل الدويش فيصل وشيخ قحطان .. قال الشيخ عبيد ابن رشيد عندما تم طلبها من سالفي الذكر : يابيه أنا لكروش ماعطي ولا بيع قبلك طلبها فيصل وأبـن هـادي يابيه لوكثـرت بالقـول ماطيـع ياحيف تبغينـي أسلـم جـوادي يابيه مايرهم على مثلهـا البيـع ولايجي مثلـه بقـودة مهـادي ماجمع أصله بالقراطيس تجميـع أصله يعرفونه جميـع البـوادي باغ الى من لقموهـا المصاريـع وصاح الصياح وثار عج الطرادي أنهج عليها وتعـدى بالتراثيـع مثل الفحل لاصار وقت الهـدادي وأصلها لعيون بيـض مفاريـع فوق القنـا والسبايـا غـوادي هذاك بيعـه والصبايـا مفاريـع بين القنـا ومخفـرات الهنـادي هذاك بيعه كـان ماتفهـم البيـع لى منهن جلبن بسوق المـزادي يابيه أنا لأسمع جوابك ولا طيـع هرجك بمقلة ناظري والفـؤادي ياسابقي مانرخصـك بالمطاميـع حتى ولوقيل أرفعـه بالحـدادي أبغي اليا ثار القنـا بالزعازيـع وحطوا على عجلاتهن العـدادي أنطح ورا ربعي وجيه المداريـع وأقضي عليها دينهـم والعيـادي وأنشد عن أفعاله بعاد المفازيـع هو هرجنـا كـذب والا وكـادي من لابة بالحرب ماهم مطاويـع ولا تحسب بالمـداس العـوادي حلفت مايطري علينا بها البيـع للحشر مايفخت سواده سـوادي مادام راسي للريـاح الذعاذيـع بالعون طالبها من الناس غـادي وديارنـا حامينهـا بالمرابـيـع وأضدادنا عنها تجـي بالحيـادي نعم هذا ما تغزل به الشيخ عبيد ابن رشيد عن هذه الاصيل .. ولكن مالذي حدث لتلك الاصيل ..؟؟!! دارت المعركة بالجوف واخذت وكسر عبيد وشمر وأُخذت الفرس وقبلها مات الرجال .. فمضى الشيخ عبيد متحسرًا على ماذهب وفقد .. كروش اصبحت لدى قبيلة الشرارات بعد معركة شرسة بين القبيلتين انتصر بعون الله بها الشرارات نصرا مؤزرا نصرا لابيع فيه ولا شراء إلا للسيف الاحدب فقط فتحسر الشيخ عبيد على فقد الاصيلة التي خطبها منه كبار القوم وقال في قصيدته المشهوره توددًا وتعطفًا مبطن بعزة النفس التي يتحلى بها هذا الشيخ : أكروش عندك ياللحاوي وداعـه خلًك لها مثل الطًبيـب المـداوي ياما يجون أهل الكرم والشجاعة شمًر إلى كثرت علينا البـلاوي كم رأس شيخن نشلعه من نخاعه ويوم الملاقاء نودع النًمر واوي تخضع لنا روس الرجاجيل طاعه من الذًل ما هي ياللحاوي حلاوي فاتاه الرد عاجلا من شيخ قبيلة الشرارات اللحاوى ياعبيد يوم كروش جتنا قلاعـه في ساعة مره ولابها عطـاوي جتنا بحد السيف ماهي وداعـه يوم الحياة وموتنـا بالتسـاوي يحرم علينا يالسًنافـي رجاعـه علـى قرومآبالملاقـاء بـلاوي ان جيتنا ياعبيد مامن شفاعـه في ساعتآ ماني عليها شفـاوي نصبر مع اللًي مستحين الجماعه طول الشوارب شاربين القهاوي يعطونكم بزر الفرنجي صراعـه والسيف طبًن للعديم المـلاوي فاضحت هذه الاصيله مربطًا مستقلا عند اللحاوي رحم الله اموات المسلمين وغفر لهم اخوكم الشرارى |
|
اقتباس:
ابن ورده شيخ من شيوخ الشرارات يحطونه طبيب والله لمن العين شافت العين والله ما يقولونه للشرارت ويكتب الله لك يالسنافى انك تروح الشمال وتعرف الشرارات وتنشد عن اللحاوى وابن ورده |
اقتباس:
والله ونعم فيك يالاجودي مير الوقت تغير وزمان الجهل ولا شمر علومهم جتنا كلها مارحنا ندورها ورجال مايعد الحق ماهوب رجال وخاويت الاجواد ولقيت الطيبه فيهم وصفاء النيه وطبايعهم تنحب وكل قبيلة فيها حقها من رجالها |
سنافى الهيلا انا شمر ما يطيعونى الرجاجيل لو اذمهم ولكن الصحيح ما ينزعل منه وانا اخوك والنعم بالاجواد
ولكن انا ما اطيع الا فى الصحيح واللى احطه بذمتى يا السنافى انا لى جيران شمامره والنعم فيهم ولكن الصحيح ما احد يزعل منه والله يا السنافى انها امور الواحد ما يفتخر فيها لانها جاهليه ولكن حرام يجى واحد ويهضم حقك وافعالك علشان انك بعيد ويكتب بدون ما يتاكد. . |
هذه القصة سمعتها من احد شعراء الشرارات وانها دارت معركة اخذت كروش مما اغضب بعض الشعراء من شمر وردو عليه ,, وانا والله ماعلم عن القصة قصة اي معركة
بس اقول لو انها اخذت كان تغنى فيها الكل ياشمالي هذي كروش ماهي هينة واظم صوتي لصوت ربعي من شمر انها اصيبت في معركة وتركها عند بن وردة ربما عند طبيببه الخاص فلكل شيخ طبيب ياعزيزي اما انها اخذت قلايع فلا اظن انها ستخفى على شمر وتقبلو تحياتي وشكرك ياسنافي الهيلا ,, ووالطيب من روسكم يالغلاا |
| الساعة الآن »06:27 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd