سلام ياهل البيوت العامره بالشحم=والخير في جنبها والشر قدامها
الشاعر الي على الرسلان جايه ضرم=يقرب من الدلة الي دارج انظامها

يامرحبا بالمسلم في بيوت الكرم=والطيبة يالعتيبي ترفع اعلامها
لولا فعول العرب ماكان خط القلم=والسلعة الطيبة من حظ من سامها

ابك البقى يالمرحب والعسل فيه سم=مخصوص للشلة الي تعبد اصنامها
ولا زمان البيارق والقنا والعلم=فيه النعامه ماتمش الارض باقدامها

ربعك عتيبة هل الامجاد واهل الشيم=مالك ومال البنوك اتحسب ارقامها
اللي بناها بنا واللي هدمها هدم=واهل اليمن طبعها مايشبة لشامها

ربعك عتابه تحراها تحط الوسم=ولا تحلم وتصدق عندك أحلامها
أنا ابن عمك ترفق لا تمص العجم=سوات ناسِِ نضرها دوم فاكمامها