سلام مني عد وبل المخــــــــيله= وعداد مالاحت بروق السحايب
على سليل المجد راعي الجميله= نسل الشيوخ اللي تهدي الصعايب
ذوي حمد يوم الليالي المهيله= شيوخ تذري عن سموم اللهايب
تاريخهم ماهوب يوم وليله=عن صفحة الامجاد ماهوب غايب
يااميرنا ياذخر كل القبيله= اي والله الا ياعطيب الضرايب
يا اميرنا اللي يرتكي للثقيله=لا كبرت القالات ماهوب هايب
له ماقف يبري الكبود العليله= اليا اعتذرعن ماقفه كل خايب
شيخ ولد شيخ يروم الطويله=حلال عسرات الامور الصعايب
هذاك ابو سلطان حامي الدبيله=محمد بن حميد منصى الركايب
انا اشهد انه يا عرب ينعنيله=وانا اشهد انه ذخرنا فالنوايب
عسى حياته بالليالي طويله=آمين يا جزل العطا والوهايب

صح لسانك يا الاد الكريزي.

ويستاهل محمد ولد سلطان.