سلام الله سلامٍ ينحزم له فوق ظهر بعير = على شأن العطاااوي عندنا غالي بدينابه.
تهرج يالعتيبي وانت ماانته فالعيون صغير= ودوّر دربها وليالقيته مابلشنابه

هلا يامرحبا ترحيبة تبعد عن التقصير= ومثلك يالعصيمي لاحظر لازم يحيابه
والا ياسعود في عظم كبر ماينفع التجبير=كبر كسر العظم والوقت مدري ويش سوابه

ياطيب اللي يفكر فالعلوم ويحسن التفكير = ماهوب اللي ليا ودى الخبر للناس ماجابه.
نبي نجبر كسير العظم والا انكسّره تكسير = ماهو لاقي مطاليبه قبل لايحسب احسابه

والا ياسعود في عظم كبر ماينفع التجبيـر = كبر كسر العظم والوقت مدري ويش سوابه

نبي نجبر كسير العظم والا انكسّره تكسير = ماهو لاقي مطاليبه قبل لايحسب احسابـه

ياطيب اللي حسب خطوات رجله قبل يبدا السير=ويدري عن دروب الضلع قبل يقوم يرقابه
هذاك يقربونه للعنايه وابرة التخدير=لعله ينتبه لافاق والشرهه على اقرابه