ياللي إتابع نشرة الاخبار شفت آخر خبر=بوش الابن نحوّه عن منصبه الاول وابعدوه
اقفا ولاعاد إله فالدنيا وجود ولا أثر=نهايته سودا وتاريخه مثل تاريخ ابوه
تاريخه اسود والنهايه حط شعبه في خطر=يوم ابعدوه احسن قرار" في امريكا اتخذوه
ولا عاد تنشد عنه ويش اللي يخفّيه القدر=ياكثر من يطلب محاكمته هذاه ان ماأعدموه
يوم انتهى التصويت في منهو الرئيس المنتظر=عين العقل طردتك يابوش ورئيس" نصّبوه
الشعب يدرك بأن ماله لا ملاذ ولا مفر=واكبر دليل اليّس الاسلامي اللي عيّنوه
يدرون بأن العالم الحينه على حد الفقر=واستنجدوا في عالم الاسلام عسى ينقذوه
قالوا بصوت" واحد اوباما هذاه المقتدر=بأصواتهم مختاره الله ان بغوه او مابغوه
اللي على الاسلام تربيته مهي شرك وكفر=تربيته الاسلام لو مهوب دينه دين ابوه
ترى النجاشي ساند الاسلام يوم انه ظهر=امّن جميع المسلمين اللي مع الهجره نصوه
صلّى عليه المصطفى صلاة ميت فالقبر=إمن المدينه والنجاشي فالحبش قد إدفنوه
عسى اوباما يمشي ابدربه مدام انه قدر=عساه عن درب النجاشي لا يزل ولا يتوه
استبشروبه عالم الاسلام في كل الدير=استبشروبه وايّدوه وساندوه وهنّئوه
مبروك ياباراك اوباما من لسان ومن فكر=تستاهل ومفروض مثلك من سنين" رشّحوه
والمدح للي طلّع الامه على سطح القمر=اللي على شرع الله وسنّة نبيه بايعوه
هذاك ابومتعب راع الطالات كسّاب الفخر=يمكن مشاكل هالدول تنحل لوهم زعّموه
وياللي إتابع نشرة الاخبار ماعندك خبر=بوش الابن نحّوه واوباما بداله سلّموه