سلام تسليـم بـلا عـد وحـدود=ماتنحصي تصعب على كل عـداد
سلام يأهل الطيب يامنبـع الجـود=يأهل الوفا والعرف ماضين الأمجاد
نسل الحرار اللي رقوا علي الطود=أفعالهم تعرف على روس الأشهاد
من لابتن معهم لنا فـرع ممـدود=أعتيبة الهيلا عمـى كـل حسـاد
ليا ثار بالهيجا من الملـح بـارود=الهم على حوض المنيـات ميـراد
سمحين صلفين وصلاطين وفهـود=حلوين مرين ولـو طـول المـاد
أفخربهم لن صار ناشـد ومنشـود=خوالي عتيبـة وانـا الجـد عبـاد
يالاد غابي يأحمى كـل مضـدود=ياهل الفعول اللي قديمـت وجـداد
والله ماجينـا لدنـيـا نـبـا زود=أيضا ولا جينـا لمشـرب ولا زاد
والله ماجا في هدفنـا أي مقصـود=الا المواجه والتعرف بـا لأحفـاد
خوالنا وأحفادنا ما عقـب العـود=نازح عسا الجنـة الخلـد مرقـاد

يامرحبا بالي تعنوا وجونا = ترحيبة من عند غالي لغاليه
أعداد رش نزلتها المزونا = واعداد نبت وابل الوسم يسقيه
ابكم جميعا يانشاما أفهمونا = بلسان مخلص والمودة تصافيه
بعيال عود للرحم ياصلونا = ومع طولة الأيام يذكر عوانيه
والأولة فازوبها واغلبونا = وراع العلوم الطيبة من يناحيه
مهالكة وبطيهم يذكرونا = الخال دايم يفتخر في بناخيه
وحبل الوصل تكفون لاتقطعونا = ومن يفعل الحسنا بعفوة يجازيه
ومهما نقدم فالقصور أعذرونا = وحق علينا للمحبين نوفيه

المشاركة الأصلية كتبت بواسطة عارف الشلاحي (المشاركة 769117) الممدوحين يستاهلون والهيلا كلها تستاهل المدح أهل الطيب والحميه