الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   لقيت حطك ليلة العيد مشغول (http://www.otaibah.net/m/showthread.php?t=81029)

مدمن شعر 03-Nov-2008 06:35 PM

لقيت حطك ليلة العيد مشغول
 
لقيت خطك ليلة العيد مشغول=قلت ابرك الثنتين نرسل رساله
مبروك جعل اعياد عمرك على طول=وعسى الفرح معكم كثير" لياله
لو كان قلبي يقدر ايروح مرسول=بقول ذاك الشخص حق اتعناله
وتمد له تسليم بالود محمول=أغلى الحبايب جمل الله حاله
قله ترى احساسي من الهجر مقتول=وعيا عميق الحب يرضى بداله
يا حظ طرف بطلة البدر مكحول=يشوف لو سرقه دلعه ودلاله
كني على حبه مدرب ومجبول=أسرفت في حبه ومن دون هاله
تيار حبي عن سوى ذاك مفصول=غصب" على ما عاد فيها جماله
قدره بقلبي فوق عن كل معقول=والله ما تلحق مداه الرساله
لشواق في صدري على شانه اتجول=والفكر لعيونه طوال حباله
حديتله من شرد افكاري الجول=وحرام ما رضى فيه غير الجزاله
اسري مع طيفه مركز ومذهول=واشوف كل اسرار حبي خلاله
عز الله انه يا هلى منتهى القول=يا هاجس الشاعر ووسعت خياله
هو الملك عن حاجة الشعب مسئول=وهو الوطن وانا لحالي عياله
خذني معك تكفى ولو حل مقبول=خذني ولا ابغى شي غير الاطاله
من كثر ما اصبر قالوا الناس مهبول=وانا جوابي ويش حشركم...حلاله
خلو حبيبي دامه ايمون ويطول=يلعب بملكه يا عرب ما بداله
ياما وقفت بغيبته مثل مخذول=يشوف بعيونه تسرب آماله
ما عاد في مستقبلي شي مجهول= ولا عاد بعده شي صعب احتماله

السميــــــري 03-Nov-2008 07:47 PM

ياسلام ..

صح لسانك .. يامبدع

.. ولا عاد بعده شي صعـب احتمالـه


الساعة الآن »04:10 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd