الهيـــــــــــــلا *** منتدى قبيلة عتيبة - قصة: وقعة الينوفي والثناتين

هذه وقعه اخري للقساسمه على الينوفي وكان الغزو من الجحادر من قحطان وكان الحاظر فرسان الثناتين وهم

(الشيخ/سعدون بن معتاد ابوثنتين-حامد بن معتادابوثنتين(ابوشوشة)-حمود بن معتاد ابوثنتين-مرزوق بن ضيف الله

ابوثنتين-براز بن ضيف الله ابوثنتين-محمد الزقمى ابوثنتين-فيصل بن مرزوق ابوثنتين وغيرهم...) وجاء الصياح ولحقوا

وفتكوا اباعرهم وكان الابل ذوي ضيف الله وهم براز ومرزوق وفيصل وبعدما فتكوها انكسر بارق قحطان ولحقتهم ناقه

فاطر لذوي ضيف الله اسمها (الروسى) قال والد فيصل اتركها وانا ابوك قال والله للحقها قال يبي ذبحونك قحطان قال

والله لردها وعرض عمه الفرس قدمه قال ان طحت مالحقناك يافيصل قال انا راعي الروسى امي ماتحتلب الا هذي والله

لفتكها والا اموت ولحقهم فيصل وطلع واحد من بارق قحطان قال يالعطاوي والله ماطردنها انها هي اللي لحقه لكن

فكونا من شركم قال ردها جاي لنه شايف وسم العطاوي عليها وعرف انهم اعطوات

وفيه قصيدة لاحد شعار الروقة

يقول فيها:

يومن حصل مابينهم والقحاطين ############# يم الينوفي بالفرنجي حموها

قطعانهم ترعي الينوفي مخيفين ######### وكم غارتن بالشلف جت وطردوها

شلفا(ن)سنها في يدين الثناتين ############ كم مهرتن بين الطراد امرجوها

خيالهم يلحق معه زود رمحين ############ ولا يرجعون الا الرماح اوردوها

...................

والقصيدة اطول من ذلك ولاحفظت منها اللي هذي.

وعذروني اخواني على القصور وهذه القصه الأول والثانية سمعتها من شيبان الثبتان الرواه وانا عند احدهم.

تقبلوا تحيات اخوكم
ولد رووووووووووووووق

................