الهيـــــــــــــلا *** منتدى قبيلة عتيبة - يـ الي غرامك مثل عويةذيب ... كل مابغيت أغفى تصحيني .. بندر المحيا ..

بسم الله الرحمن الرحيم

حبيت أنقل لكم قصيده لـ الشاعر

http://images.google.com.sa/url?q=ht...hbLmwQuBFQfYOg

بندر المحيا

لو ماجمعنا الياس والتغريب
.............. هربت عن وجهك ورى سنيني!
لو قلت لي ب اجرحك قبل اتغيب
................... جرحت قلبي عنك بيديني
جرحتني هاذي مْا فيْها طيب
............. الطيب دميّ .. وانت مخطيني!
غيرك رماني بالخطا ويصيب!
.............. والا انت تخطي يوم ترميني!
وراي من بعض السهام اهيب!
................ والله ما اخاف الا من يْميني
ياللي غرامك مثل عوية ذيب
................. كل مابغيت اغفى تصحّيني
انا السجين اللي لقى التعذيب
............ في صمت عينك ، وانت تحكيني
ليه المحبة في عيونك عيب
................ لاصار عيبك هو نظر عيني؟
أحترقت الاعصاب قبل آشيب
.................. وياليت نار الياس تدفيني
ولااجل اتعيّن الك اذا بتغيب:
................... اترك مسافة بينك وبيني
مقدار ماهبت بريحة طيب
............... ريح ، وتلّفت الك من حيني!
انا جريحك والجروح اتطيب
................. ولاعاد تجرحني وتبكيْني
مااصدّق الكذاب فالتكذيب
............... والصدق من كذاب يعنيني!
وعدوّي أحياناً تراه صحيب
.............. واصحابي احياناً تعاديني !
اودي الهقوة عبث واجيب
.............. وهي عبث .. صعبة توديني
لاصرت ناوي فالهجير اتغيب
.................. اترك
......................ظلالك
............................بينك
..................................و
.....................................بيني!

منقول من موقع الشاعر